MARK 4:40 - Edisana ñwed Abasi Ibom

⁴⁰ Ndien Enye ɔdɔhɔ mmɔ ete, Nsinam mbufo efehede ndik? nte mbufo inyeneke kaŋa mbuɔtidem?

MARK 4:40 Referans Kwoze

LUKE 8:25

Edi Enye ɔdɔhɔ mmɔ ete, Mbuɔtidem odu mmɔŋ? Ndik omum mmɔ ye mkpa-idem, mmɔ enyuŋ edɔhɔ kiet eken ete, Anie naŋa edi emi? Enye owuk kpa ofim ye mmɔŋ, ndien mmɔ ekop uyo Esie.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

MATTHEW 14:31

Edi idaha oro Jesus anyanare ubɔk omum enye, onyuŋ ɔdɔhɔ enye ete, O afo owo ekpri mbuɔtidem, nsidi ntak afo eyikde?

MATTHEW 16:8

Edi ke ini Jesus ɔfiɔkde emi, Enye ɔdɔhɔ mmɔ ete, O mbufo nditɔ ekpri mbuɔtidem, nsinam mbufo enenide ke otu idem mbufo koro mbufo minyeneke uyo?

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

MATTHEW 6:30

Edi edieke Abasi esinede mbiet iŋwaŋ nkpɔ ntem, kpa mbiet eke odude mfin, ndien mkpɔŋ emen esin ke usaŋ-uyo, nte Enye idisineke mbufo ŋkpɔ ikan, O mbufo nditɔ ekpri mbuɔtidem?

ISAIAH 42:3

Enye idibuŋke esaŋ eke anuahade, idinyuŋ inimeke ɔfɔŋ utuenikaŋ eke etiede nnime-nnime: enye eyeda ikpe ɔwɔrɔ ɔnɔ akpanikɔ.

MARK 4:41

Ndien ndik anam mmɔ eti-eti, mmɔ enyuŋ edɔhɔ kiet eken ete, Anie naŋa edi emi, emi, kpa ofim ye inyaŋ ekopde uyo Esie?