MARK 4:20 - Edisana ñwed Abasi Ibom

²⁰ Mmɔ emi mkpasip eduɔŋɔde ke eti isɔŋ, edi mmɔ emi ekopde ikɔ enyuŋ edarade enye, enyuŋ eŋwum mfri utim ikedip ye duop, ye utim ikaata, ye utim ikikie.

MARK 4:20 Referans Kwoze

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

MARK 4:8

Mmɔ eken eduɔŋɔ ke eti isɔŋ, enyuŋ efiari mfri, ekɔri enyuŋ etɔt, esioŋo mfri utim ikedip ye duop, ye utim ikaata, ye utim ikikie.

MATTHEW 13:23

Enye emi esuande mkpasip ke eti isɔŋ, edi owo emi okopde ikɔ onyuŋ ɔfiɔkde se enye ɔwɔrɔde; emi onyuŋ osioŋode mfri ke akpanikɔ, onyuŋ oŋwumde idem, ndusuk utim ikikie, ndusuk utim ikaata, ndusuk utim ikedip ye duop.

2 PETER 1:8

Koro edieke mme ŋkpɔ emi edude ke esit mbufo ɔyɔhɔ-ɔyɔhɔ, mmɔ eyenam mbufo ekutie ifu, ekunyuŋ enana mfri ke erifiɔk Ɔbɔŋ nnyin Jesus Christ.

GENESIS 26:12

Ekem Isaac awari mkpasip ke isɔŋ oro, ndien ke isua oro enye okut ikikie; Jehovah onyuŋ ɔdiɔŋ enye.

ŊWED MBON ROME 7:4

Mmɔdo nditɔ-ete mi, ekeda ikpɔhidem Christ esin mbufo ekpaŋa ewɔrɔ ke idak ibet, kpaŋ mbufo ekpekabare ediana ye Owo efen, kpa Enye emi ekesetde ke mkpa, man nnyin isioŋo mfri inɔ Abasi.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

1 ŊWED THESSALONICA 4:1

KE akpatre itie, nditɔ-ete, nnyin imebeŋe mbufo, inyuŋ isɔŋɔ ikpe ye mbufo ke Ɔbɔŋ Jesus, ite, kpa nte mbufo ekekopde ke inua nnyin nte mbufo ekpesaŋade ekenem Abasi esit, kpa nte mbufo enyuŋ esaŋade, mbufo edɔdiɔŋ enam ntre.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

MATTHEW 13:8

Mmɔ eken eduɔŋɔ ke eti isɔŋ, enyuŋ efiari mfri, ndusuk eŋwum ikikie, ndusuk ikaata, ndusuk ikedip ye duop.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.