MARK 3:7 - Edisana ñwed Abasi Ibom

⁷ Ekem Jesus adaha ye mbet Esie aka ke inyaŋ: ndien ata ediwak owo eto ke Galilee etiene Enye: ata ediwak owo ŋko, emi ekopde ikpɔ ŋkpɔ eke Enye anamde, eto ke Judea,

MARK 3:7 Referans Kwoze

LUKE 6:17

Ekem Enye asaŋa ye mmɔ ɔsuhɔre edida ke una-isɔŋ; akwa otu mbet Esie, ye ata ediwak owo enyuŋ edu ye mmɔ; emi etode ke ofuri Judaea ye Jerusalem, ye mben inyaŋ Tyre ye Sidon, emi ekedide ndikop ikɔ Esie, man Enye onyuŋ anam udɔŋɔ okure mmɔ;

MATTHEW 4:25

Ndien ata ediwak otu owo eto ke Galilee ye Decapolis ye Jerusalem ye Judaea ye edem Jordan oko esaŋa ye Enye.

MATTHEW 12:15

Edi Jesus ɔfiɔk, onyuŋ adaha ke ebiet oro: ndien ediwak owo etiene Enye;

LUKE 23:5

Edi mmɔ edɔdiɔŋ esɔŋɔ eyire ete, Enye obubere mbio-obio, ekpep mmɔ ŋkpɔ ke ofuri Judaea, ɔtɔŋɔ ke Galilee osim ebiet emi.

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

MARK 1:39

Ndien Enye asaŋa oduk ke mme synagogue mmɔ ke ofuri Galillee, ɔwɔrɔ ikɔ, onyuŋ ebin demon ɔduɔk.

MATTHEW 10:23

Edi ke ini mmɔ ekɔbɔde mbufo ke obio emi, efehe eduk ke obio efen: koro ke akpanikɔ ke ndɔhɔ mbufo, nte, Ke mbufo mika-isaŋake ke kpukpru mme obio Israel ibe kaŋa, Eyen Owo eyedi.

JOSHUA 21:32

Ye Kedesh ke Galilee ye mben-isɔŋ esie, ke eke obio-ubɔhɔ owot-owo, ke esien Naphtali; ye Hammothdor ye mben-isɔŋ esie, ye Kartan ye mben-isɔŋ esie: obio ita.

JOSHUA 20:7

Ndien enim Kedesh ke Galilee ke obot Naphtali, ye Shechem ke obot Ephraim, ye Kiriath-arba, oro edi Hebron ke ikpɔ obot Judah.

UTOM MME APOSTLE 17:14

Edi kpa idaha oro nditɔ-ete enam Paul adaha aka ŋkaŋ inyaŋ-inyaŋ: edi Silas ye Timothy esuk edu do.

UTOM MME APOSTLE 17:10

Edi idaha oro nditɔ-ete enam Paul ye Silas edaha ke okoneyo eka ke Beroea: ndien ke ini mmɔ esimde do, mmɔ eduk ke synagogue mme Jew.

JOHN 7:52

Duŋɔre kokut ete, baba prophet kiet itoho ke Galilee iwɔrɔ.

JOHN 7:41

Mmɔ efen ete, Emi edi Christ. Edi ndusuk ete, Baba, nte Christ edito ke Galilee?

MATTHEW 12:16

Enye onyuŋ anam udɔŋɔ mmɔ kpukpru okure, onyuŋ akpan mmɔ ete ekuyarare Imɔ:

MARK 1:45

Edi enye ɔwɔrɔ ɔtɔŋɔ nditaŋa ŋkpɔ emi eti-eti, ndinyuŋ nsuan ikɔ emi, tutu Jesus ikemeke aba ndiduk ke obio aŋwa-aŋwa, edi odu ke edem ke ebiet desert: ndien mmɔ eto ke kpukpru edem etiene Enye.

MARK 3:20

Ekem Enye oduk ufɔk. Otu owo enyuŋ etɔŋɔ ntak ebono, tutu Jesus ye mbet Esie ikemeke ndidia ŋkpɔ.

MARK 4:1

EKEM Enye ɔtɔŋɔ ntak ɔtɔŋɔ ndikpep owo ŋkpɔ ke mben akwa inyaŋ. Ata akamba otu owo enyuŋ ebono etiene Enye, tutu esin Enye oduk ke ubom etie ke inyaŋ; ofuri otu owo enyuŋ eda ke obot ke mben inyaŋ.