MARK 2:5 - Edisana ñwed Abasi Ibom

⁵ Ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ ete, Eyen Mi, emefen mme idiɔk-ŋkpɔ fo.

MARK 2:5 Referans Kwoze

MATTHEW 9:2

Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

JAMES 5:15

ndien akam mbuɔtidem eyenyaŋa enye emi ɔdɔŋɔde, Ɔbɔŋ eyenyuŋ anam enye adaha ada; ndien edieke enye akanamde idiɔk-ŋkpɔ, eyefen enye.

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

JOHN 5:14

Edikem Jesus okut enye ke temple, onyuŋ ɔdɔhɔ enye ete, Sese, omokop nsɔŋidem; kunam aba idiɔk-ŋkpɔ, mbak se idiɔkde ikan oko edisim fi.

LUKE 5:20

Ke ini Jesus okutde mbuɔtidem mmɔ, ɔdɔhɔ owo oro ete, Owo, emefen mme idiɔk-ŋkpɔ fo.

ŊWED MBON COLOSSAE 3:13

eme ime ye kiet eken, enyuŋ efen kiet eken, edieke owo mbufo ekededi enyenede ikɔ ye owo; kpa nte Ɔbɔŋ ekefende mbufo, efen mmɔ eŋwen kpasuk ntre.

2 ŊWED CORINTH 2:10

Owo emi mbufo efende enye ŋkpɔ ke ami mfen ŋko; koro se ededi eke ami ŋkefende enye, edieke ŋkefende enye ŋkpɔ, ŋkefen enye ke iso Christ ke ntak mbufo;

1 ŊWED CORINTH 11:30

Ke ntak emi ediwak owo ke otu mbufo ekop mmem-idem enyuŋ eduk udɔŋɔ, ediwak enyuŋ edede.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

LUKE 8:48

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ koduk ke emem.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

ŊWED MME PSALM 103:3

emi efende kpukpru mme ukwaŋ-ŋkpɔ fo, onyuŋ ɔkɔkde kpukpru mme udɔŋɔ fo;

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

MATTHEW 9:5

Koro ewe emem akan, mme ndidɔhɔ nte, Emefen mme idiɔk-ŋkpɔ fo; me ndidɔhɔ nte, Daha ke enyɔŋ, saŋa?

MARK 2:6

Edi ndusuk mme scribe etie do eneni ke esit mmɔ ete,