MARK 16:17 - Edisana ñwed Abasi Ibom

¹⁷ Ndien mme idiɔŋɔ emi eyetiene mmɔ emi enimde ke akpanikɔ: ke enyiŋ Mi ke mmɔ eyebin mme demon; eyesem mbufa usem;

MARK 16:17 Referans Kwoze

UTOM MME APOSTLE 5:16

Mme otu owo enyuŋ eto ke mme obio emi ekande Jerusalem ekuk, eda mbon udɔŋɔ edi, ye mmɔ emi ndidehe spirit etuhɔde: ndien enam udɔŋɔ okure kpukpru mmɔ.

1 ŊWED CORINTH 12:28

Abasi okonyuŋ emek ndusuk owo onim ke ufɔk Esie; onim mme apostle nte ebe-iso, onim mme asiak-uduak-Abasi ke udiana-akpa itie, onyuŋ onim mme anditeme ke ɔyɔhɔ itie ita, ndien edinim mme anam-utibe-ŋkpɔ, ye mme ɔkɔk-udɔŋɔ, ye mme ɔnɔ-uŋwam, ye mme akama ŋkpɔ, ye mme esem nsio-nsio usem.

1 ŊWED CORINTH 12:10

enɔ owo efen ukeme ndinam utom-odudu; enɔ enye eken ukeme ndisiak uduak Abasi; enyuŋ enɔ enye eken ukeme ndidomo mme spirit mfiɔk; enɔ enye eken ukeme ndisem nsio-nsio oruk usem; enyuŋ enɔ enye eken ukeme ndikabare usem.

UTOM MME APOSTLE 8:7

Koro ndidehe spirit efiori ke ɔkpɔsɔŋ uyo ewɔŋɔ ekpɔŋ ediwak owo emi enyenede mmɔ: ediwak mmɔ eke edɔŋɔde akpa-ubeŋ, ye mmɔ eke edide mbuŋɔ, enyuŋ ekop nsɔŋidem.

LUKE 10:17

Ndien mbet ata ye duop oro efiak edi ye idaresit edidɔhɔ Enye ete, Ɔbɔŋ, kpa mme demon esuk ibuot enɔ nnyin ke enyiŋ Fo.

UTOM MME APOSTLE 10:46

Koro mmɔ ekopde nte mmɔ oro esemde nsio-nsio usem, enyuŋ etorode Abasi.

JOHN 14:12

Ke akpanikɔ ke ndɔhɔ mbufo, Owo eke ɔbuɔtde idem ye ami eyenyuŋ anam utom eke Ami nnamde; enye eyenyuŋ anam utom eke okponde akan oro: sia Ami nnyɔŋde ntiene Ete.

UTOM MME APOSTLE 19:6

Ndien ke Paul ama okodori mmɔ ubɔk, Edisana Spirit edi edidoro mmɔ ke idem; mmɔ enyuŋ esem nsio-nsio usem, enyuŋ etiŋ prophecy.

1 ŊWED CORINTH 14:2

Koro owo eke esemde usem itiŋke inɔ owo, edi etiŋ ɔnɔ Abasi; koro baba owo kiet ikopke, edi enye etiŋ ndibe-ndibe ikɔ ke spirit esie.

1 ŊWED CORINTH 12:30

Ndi kpukpru owo enyene ukeme ndinam udɔŋɔ okure owo eŋwen? Ndi kpukpru owo esem nsio-nsio usem? Ndi kpukpru owo ekeme ndikabare ikɔ eke esemde?

1 ŊWED CORINTH 13:1

ŊKPESEM usem mme owo ye eke mme angel, ndien nnyeneke ima, mmakabare nyomo uyom nte akpa ŋkpaŋ, nnyuŋ nsioro uyo nte ekpri ŋkanika.

UTOM MME APOSTLE 16:18

Enye onyuŋ anam emi ediwak usen. Edi esit otimere Paul eti-eti, enye onyuŋ ɔwɔŋɔre ɔdɔhɔ spirit oro ete, Mmowuk fi ke enyiŋ Jesus Christ nte ɔwɔrɔ enye ke idem. Ndien spirit ɔwɔrɔ kpa ke ini oro.

MARK 9:38

John ete Enye, Andikpep, nnyin ikokut owo ebinde mme demon ɔduɔk ke enyiŋ Fo, nnyin inyuŋ ikpan enye, koro enye misaŋake ye nnyin.

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.