MARK 16:13 - Edisana ñwed Abasi Ibom

¹³ Ndien mmɔ oro edaha ekobuk enɔ mmɔ eken, mmɔ inyuŋ inimke mmɔ ke akpanikɔ.

MARK 16:13 Referans Kwoze

JOHN 20:25

Ntre ke mbet eken esian enye ete, Nnyin imokut Ɔbɔŋ. Edi enye ɔdɔhɔ mmɔ ete, Ndinimke ke akpanikɔ ibɔhɔke ini ŋkutnde ɔkpɔ-ukwak ke ubɔk Esie, nnyuŋ nsin nnuenubɔk mi ke nde ɔkpɔ-ukwak, nnyuŋ nsin ubɔk mi ke ŋkaŋ Esie.

JOHN 20:8

Ekem mbet eken ŋko, emi ekebemde iso osim udi, oduk, onyuŋ okut onyuŋ onim ke akpanikɔ.

LUKE 16:31

Edi enye ɔdɔhɔ ete, Edieke mmɔ mikpaŋke utɔŋ inɔ Moses ye mme prophet, mmɔ idinimke ke akpanikɔ owo okpototo ke otu mme akpa-mkpa eset.

MATTHEW 28:17

Ndien ke ini mmɔ ekutde Enye, etuak ibuot enɔ Enye: edi ndusuk mmɔ eyik.

MARK 16:11

Ndien ke ini mmɔ ekopde ete, Enye odu ke uwem, Mary ama onyuŋ okut Enye, mmɔ inimke ke akpanikɔ.

MARK 16:14

Ke ukperedem Enye ayarare Idem Esie ɔnɔ mbet Esie duop-ekiet ke idem mmɔ nte mmɔ etiede ke itie-udia; Enye onyuŋ asua unana mbuɔtidem ye nsɔŋesit mmɔ ɔnɔ mmɔ, koro mmɔ minimke mmɔ oro ekokutde Enye ke Enye ama ekeset ke akpanikɔ.

LUKE 24:11

edi mbuk mmɔ etie ke utɔŋ mmɔ oro nte ikpikpu nneme; mmɔ inyuŋ inimke mmɔ ke akpanikɔ.

LUKE 24:41

Edi ke adaŋemi idaresit miyakke mmɔ enim ke akpanikɔ, idem onyuŋ akpade mmɔ, Enye ɔdɔhɔ mmɔ ete, Nte mbufo emenyene se owo adiade mi?