MARK 15:5 - Edisana ñwed Abasi Ibom

⁵ Edi Jesus ibɔrɔke aba baba ŋkpɔ kiet; emi esin idem akpa Pilate eti-eti.

MARK 15:5 Referans Kwoze

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

ZECHARIAH 3:8

Mbufo ekop ndien, afo Joshua akwa oku, ye mme nsaŋa fo emi etiede fi ke iso: koro mmɔ edide mbon idiɔŋɔ: koro, sese, nyeda owo mi Nsekhe nduk.

1 ŊWED CORINTH 4:9

Koro osuk etie mi nte Abasi okosiode nnyin, mme apostle, onim nte ukperedem ndise nte owo mkpa. Koro ema enam nnyin ikabare idi ŋkpɔ ndise inɔ ererimbot ye mme angel ye owo.

MATTHEW 27:14

Ndien Enye ibɔrɔke baba ikɔ kiet, esin idem akpa andikara eti-eti.

ŊWED MME PSALM 71:7

Mmetie nte ŋkpɔ eke ediwak owo eyikde: edi afo edi ɔkpɔsɔŋ ebiet ubɔhɔ mi.

JOHN 19:9

ndien enye ɔtɔŋɔ ntak oduk okobup Jesus ete, Afo oto mmɔŋ?

ISAIAH 8:18

Sese ami ye nditɔ emi Jehovah ɔnɔde mi, idi mme idiɔŋɔ ye ŋkpɔ ndyɔ ke Israel, ito Jehovah mme udim emi oduŋde ke obot Zion.

MATTHEW 27:12

Ndien ke ini ikpɔ oku ye mbiowo edoride Enye ikɔ, Enye ibɔrɔke baba ikɔ kiet.

MARK 15:4

Edi ikpɔ oku edori Enye ediwak ikɔ. Pilate ɔtɔŋɔ ntak obup Enye ete, Nte Afo ubɔrɔke baba ikɔ kiet? se adaŋa ediwak ŋkpɔ ke mmɔ edori Fi.

LUKE 23:9

Enye obup Jesus ediwak mbume; edi Jesus ibɔrɔke baba ikɔ kiet.