MARK 15:34 - Edisana ñwed Abasi Ibom

³⁴ Ndien ke ɔyɔhɔ hour ita ke uwemeyo, Jesus ofiori ke ɔkpɔsɔŋ uyo, ete, Eloi, Eloi, lama sabachthani? emi ɔwɔrɔde, ete, Abasi Mi, Abasi Mi, nsinam Afo ɔkpɔŋde Mi?

MARK 15:34 Referans Kwoze

ŊWED MME PSALM 22:1

ABASI mi! Abasi mi! nsiman afo ɔkpɔŋde mi? nsinam afo adade anyan ebiet, munyaŋake mi, mukopke uyo eseme mi?

MATTHEW 27:46

Ndien ke ini ekperede hour ita ke uwemeyo, Jesus ofiori ke ɔkpɔsɔŋ uyo, ete, Eli, Eli, lama sabachthani? oro ɔwɔrɔ ete, Abasi Mi, Abasi Mi, nsinam Afo ɔkpɔŋde Mi?

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

ŊWED MME PSALM 27:9

Kudip mi iso fo; kuda iyaresit ubin owo fo ufep: afo edi andinyaŋa mi; kumen mi uduɔk: kunyuŋ ukpɔŋ mi, O Abasi emi anyaŋade mi.

ŊWED MME PSALM 71:11

Abasi ɔmɔkpɔŋ enye: mbufo ebine enye enyuŋ emum enye: koro owo eke anyaŋade miduhe.

DANIEL 9:21

ke ini ami nsuk ndɔhɔde ke akam mi, Gabriel owo oro ŋkokutde ke ŋkukut mi ke eritɔŋɔ, ɔsɔp efe edi edituk mi ke ini uwa mbubreyo.

ISAIAH 41:17

Mbon ukut ye ubuene eyom mmɔŋ, edi iduhe, edeme mmɔ amasat ke nsat-itɔŋ. Ami Jehovah nyeyere mmɔ, ami Abasi Israel ndikpɔŋke mmɔ.

ŊWED MME PSALM 42:9

Nyedɔhɔ Abasi, edikoŋ itiat mi, nte, “Nsinam afo efrede mi Nnam didie nsaŋa ntua mbaŋa ufik usua?”

UTOM MME APOSTLE 10:3

Ke ini ekperede hour ita ke uwemeyo, enye otim okut ke ŋkukut nte angel odukde etiene enye, onyuŋ ɔdɔhɔde enye ete, Cornelius.

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

LUKE 23:44

Ekpere ufɔt uwemeyo ke emi, ndien ekim ofuk ofuri isɔŋ tutu osim ɔyɔhɔ hour ita ke uwemeyo; koro uŋwana utin onimede:

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

ŊWED ESEME 1:12

Nte mbufo emi esaŋade ke usuŋ ebe ikereke? Mbufo etiŋ enyin enyuŋ ese me ndutuhɔ odu eke ebietde ndutuhɔ emi enamde mi, emi Jehovah ɔkɔtuhɔde mi ke usen ikaŋ iyaresit esie.

MATTHEW 27:45

Edi ɔtɔŋɔde ke ufɔt uwemeyo tutu osim hour ita ke uwemeyo, ekim ofuk ɔfuri isɔŋ.

MARK 15:25

Ekedi ɔyɔhɔ hour usukkiet ke usenubɔk, ndien ekɔŋ Enye ke cross.

MARK 15:35

Ndien ke ini ndusuk mmɔ emi edade ekpere ekopde, mmɔ edɔhɔ ete, Sese, Enye ke okot Elijah.