MARK 14:65 - Edisana ñwed Abasi Ibom

⁶⁵ Ekem ndusuk mmɔ etɔŋɔ nditɔ Enye etap, ndinyuŋ mfuk iso Esie, nnyuŋ ntuai Enye, nnyuŋ ndɔhɔ Enye ete, Tiŋ nte prophet: mme asaŋutom enyuŋ ebɔ Enye ke ubɔk mmɔ oro ye ufia.

MARK 14:65 Referans Kwoze

UTOM MME APOSTLE 23:2

Edi Ananias akwa oku ɔdɔhɔ mmɔ emi edade ekpere Paul, ete eyibi enye ufia ke inua.

JOHN 19:3

Mmɔ enyuŋ esaŋa ekpere Enye ete, Etia, Edidem mme Jew: mmɔ enyuŋ eyibi Enye ufia.

ISAIAH 50:6

Ŋkayak edem mi nnɔ mmɔ eke eyibide, nyak mfuk mi nnɔ mmɔ eke ediberede idet: ndipke iso mi mfehe but ye etap.

JOHN 18:22

Ndien ke ini Enye ɔdɔhɔde ntem, asaŋutom kiet emi adade ŋkpet-ŋkpet, oyibi Jesus ufia, ete, Nte ɔbɔrɔ akwa oku ikɔ ntre?

MARK 15:19

Mmɔ enyuŋ eda eto emia Enye ke ibuot, ekɔk Enye etap, enyuŋ etɔŋɔ edɔŋ etuak ibuot enɔ Enye.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

ISAIAH 52:14

Kpa nte ediwak owo eyikde ebaŋa fi; iso esie abiara akan eke owo, uyai esie onyuŋ abiara akan eke nditɔ owo:

ŊWED JOB 30:10

Mmɔ ese mi ke mbubiam, ekpɔŋ mi anyan usuŋ, inyuŋ itreke ndifiari mi etap ke iso.

ESTHER 7:8

Ekem edidem oto ke iŋwaŋ-esa akwa ufɔk, afiak ke ɔtɔ uŋwɔŋ wine; ndien Haman ana ke mkpana emi Esther anade ke esit. Ndien edidem ɔdɔhɔ ete, Emie! enye onyuŋ oyom ndisabare ɔbɔŋ-aŋwan ke ŋkaŋ mi ke ufɔk mi? Ikɔ oro osuk ɔwɔwɔrɔ edidem ntem ke inua, ndien mmɔ efuk Haman iso.

NUMBERS 12:14

Ndien Jehovah ɔdɔhɔ Moses, ete, Edieke ete esie ɔkɔkɔkde enye etap ke iso, ikpetieke ke but usen itiaba? Yak ekuk enye ke edem nna ebaha ke usen itiaba, ndien eda enye eduk.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MARK 10:34

ndien mmɔ eyesak Enye nsahi, eyeyuŋ efiari Enye etap, enyuŋ emia Enye, enyuŋ ewot Enye; ndien ke usen ita ema ebe, Enye eyeset ke mkpa.

MICAH 5:1

SƆP idem, ndien, O adiaha udim: enye akan nnyin okuk: mmɔ eda eto eyibi ebier-ikpe Israel ke mbaŋ.

2 CHRONICLES 18:23

Ndien Zedekiah eyen Chenaanah asaŋa ekpere, ɔkɔtɔ Micaiah ke mfuk, onyuŋ ɔdɔhɔ, ete, Ke usuŋ ewe ke spirit Jehovah ɔkpɔŋ mi, ebe edidɔhɔ ye afo?

MATTHEW 27:30

Ndien mmɔ ekɔk etap etɔ Enye, enyuŋ ewabare esaŋ oro ebɔ eyibi Enye ke ibuot.