MARK 14:50 - Edisana ñwed Abasi Ibom

⁵⁰ Ndien kpukpru mbet ekpɔŋ Enye efeŋe.

MARK 14:50 Referans Kwoze

MARK 14:27

Ndien Jesus ɔdɔhɔ mmɔ ete, Kpukpru mbufo eyeduɔŋɔ ke idomo; koro ewetde ete, Nyewot ekpemerɔŋ, ndien erɔŋ eyesuana.

JOHN 16:32

Sese, ini ke edi, onyuŋ ededi ama, eke mbufo edisuanade, kpukpru mbufo edinyuŋ enyɔŋde ke ebiet mbufo, edinyuŋ ekpɔŋde Mi ikpɔŋ: edi ntiehe ikpɔŋ, koro Ete odude ye Ami.

2 ŊWED TIMOTHY 4:16

Akpa ini emi ndade ke itie-ikpe nnyaŋa idem, baba owo kiet idaha mi ke ŋkaŋ, kpukpru owo ema edianare enyɔŋɔ ekpɔŋ mi; Abasi okukam ada oro ekpe ikpe ye mmɔ.

ŊWED MME PSALM 88:18

Afo amanam ama mi ye ufan mi ekpɔŋ mi anyan ebiet; mme ɔdiɔŋɔ mi edu ke ebiet ekim.

ŊWED MME PSALM 38:11

Mmɔ eke emade mi, ye mme ufan mi ŋko, ke eda nsan-nsan ekpɔŋ ufen mi; oruk mi ke eda anyan ebiet.

JOHN 18:8

Mmɔ ete, Iyom Jesus-a-Nazareth. Jesus ɔbɔrɔ ete, Mmɔdɔdɔhɔ mbufo nte, Ami ndi Enye. Ntem edieke mbufo eyomde Mi, eyak mmɔ emi enyɔŋɔ eke mmɔ.

ISAIAH 63:3

Mmedigi udigi-wine ke idem-mi; baba owo obio kiet inyuŋ iduhe ye ami: ndien nyedigi mmɔ ke iyaresit mi, nnyuŋ nda ikpat ntim mmɔ ke ifuresit mi; ndien enyam mmɔ eyesime mi ke ɔfɔŋidem, nyenyuŋ nsabare ofuri edisine-ŋkpɔ mi.

MARK 14:49

Mma ndu ye mbufo ke temple ŋkpep ŋkpɔ ke usen ke usen, edi mbufo imumke Mi. Edi enam emi man se ewetde ɔkpɔwɔrɔ osu.

MARK 14:51

Ndien akparawa kiet, emi esinede ɔfɔŋ linen ke idem ofuk iferi, etiene Enye aka: mmɔ enyuŋ emum enye.