MARK 14:31 - Edisana ñwed Abasi Ibom

³¹ Edi enye obumere ɔsɔŋ uyo etiŋ ete, Akpanana nte ŋkpa ye Afo, ndikaŋke Fi. Kpukpru mmɔ enyuŋ edɔhɔ kpa ntre.

MARK 14:31 Referans Kwoze

JOHN 13:37

Peter ete Enye, Ɔbɔŋ, nsidi ntak eke mme-ndikemeke nditiene Fi ke idem idahemi?

EXODUS 19:8

Ndien kpukpru owo ebɔ uyo kiet edɔhɔ ete, Iyenam kpukpru se Jehovah ɔdɔhɔde. Ndien Moses emen uyo mmɔ afiak eketiŋ ɔnɔ Jehovah.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 10:23

O Jehovah, mmɔfiɔk nte ke usuŋ owo iduhe owo ke ubɔk: owo eke asaŋade inyuŋ ikemeke ndineŋere ikpat esiemɔ.

MME ŊKE 29:23

Iseri owo eyesuhɔre enye: edi nsukesit eyeda ukpono.

MME ŊKE 18:24

Owo (ediwak) ufan eyebiat idem esie: edi andima odu emi eyirede owo akan eyen-eka.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

2 NDIDEM 8:13

Ndien Hazael ɔdɔhɔ, ete, Owo fo edi nso naŋa? ebua? emi enye edinamde oruk akamba ŋkpɔ emi? Ndien Elisha ɔdɔhɔ ete, Jehovah amasian mi, ete ke afo edidi edidem Syria.

ŊWED MME PSALM 30:6

Ndien edi ami ŋkɔdɔhɔ ke ifure mi, nte, Ndisehekede ke nsinsi.

MATTHEW 10:33

Edi owo ekededi eke edikaŋde Mi ke iso owo, ete, idige okim, Ami nyenyuŋ ŋkaŋ enye ke iso Ete Mi emi odude ke heaven.

MARK 14:30

Edi Jesus ɔdɔhɔ enye ete, Ke akpanikɔ ke ndɔhɔ fi nte, Mfin emi, kpa ke okoneyo emi, ke ini ekikɔ mikpɔkke kaŋa utim ikaba, afo eyekaŋ Mi utim ikata.

MARK 14:32

Ndien mmɔ edi ke ebiet emi ekerede Gethsemane; Enye onyuŋ ɔdɔhɔ mbet Esie ete, Mbufo etie mi, ke ini mbɔŋde akam.

LUKE 23:23

Edi mmɔ esɔŋ uyo eyire ete, Ewot Enye ke cross.

1 NDIDEM 11:22

Ndien Pharaoh obup enye, ete, Nso ŋkpɔ anana fi ke ubɔk mi? Ndien, sese, afo ke oyom unyɔŋ ke edem mbufo! Ndien enye ete, Baba ŋkpɔ kiet: edi kutre ndiyak mi.

MARK 10:39

Mmɔ ete Enye, Nnyin imekeme. Ndien Jesus ete mmɔ, Mbufo eyeŋwɔŋ cup emi Ami ŋŋwɔŋde; mbufo eyenyuŋ ena baptism emi Ami nnade;