MARK 13:9 - Edisana ñwed Abasi Ibom

⁹ Edi mbufo ekpeme idem mbufo; koro eyeyak mbufo esin ke ubɔk esop, eyenyuŋ emia mbufo ke mme synagogue; mbufo eyenyuŋ eda ke iso mme andikara ye ndidem kabaŋa Mi, man edi ntiense enɔ mmɔ.

MARK 13:9 Referans Kwoze

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

MARK 13:5

Edi Jesus ɔtɔŋɔ ndidɔhɔ mmɔ ete, Ekpeme mbak owo baba kiet edida mbufo ewaha ɔkpɔŋ usuŋ.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

2 ŊWED THESSALONICA 1:5

emi edide iŋwaŋ-iŋwaŋ idiɔŋɔ edinen ikpe Abasi; man ebat ete mbufo emedot ndiduk ke Obio Ubɔŋ Abasi, emi ekutde ndutuhɔ ebaŋa enye;

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

UTOM MME APOSTLE 21:11

Enye asaŋa edi ke ɔtɔ nnyin, onyuŋ emen mbɔbɔ Paul ɔbɔp idem esie ukot ye ubɔk, ete nnyin, Edisana Spirit ɔdɔhɔ ete, Ntem ke mme Jew emi edude ke Jerusalem edibɔp owo emi enyenede mbɔbɔ emi, enyuŋ eyak enye esin mme Gentile ke ubɔk.

UTOM MME APOSTLE 9:16

koro ami nyewut enye adaŋa ediwak ŋkpɔ nte enye enyenede ndikut kabaŋa enyiŋ Mi.

UTOM MME APOSTLE 7:54

Edi ke adaŋemi mmɔ ekopde ŋkpɔ emi, esit ofut mmɔ eti-eti, mmɔ enyuŋ eta edet ese enye.

JOHN 15:20

Eti ikɔ eke ŋketiŋde nnɔ mbufo nte, Asaŋutom ikponke ikan ete-ufɔk. Edieke mmɔ ekesinde Mi enyin, eyesin mbufo ŋko: edieke mmɔ ekenimde uyo Mi, mmɔ eyenim uyo mbufo ŋko.

LUKE 9:5

Edi mbio-obio ekededi eke minyimeke ndidara mbufo, nte ewɔŋɔde ke obio oro, ekeŋ ntan ke ikpat mbufo efep, nte ŋkpɔ-ntiense ubiom-ikpe mmɔ.

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

MARK 1:44

Kpeme, kutiŋ baba ikɔ kiet unɔ ndomo owo kiet: edi nyɔŋ kowut oku idem fo, nyuŋ wa se Moses eketemede baŋa erinam fi asana, man edi ŋkpɔ-ntiense ɔnɔ owo.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

MARK 13:8

Koro idut eyedaha aŋwana ye idut, obio edidem kiet eyenyuŋ adaha aŋwana ye obio edidem efen, unyek-isɔŋ eyenyuŋ edu ke nsio-nsio ebiet; akaŋ eyedu: mme ŋkpɔ emi edi ntɔŋɔ ubiak-uman.

2 JOHN 1:8

Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.