MARK 13:24 - Edisana ñwed Abasi Ibom

²⁴ Edi ke mme usen oro ke ini ukut oro ama ebe, utin eyekabare okim,

MARK 13:24 Referans Kwoze

ISAIAH 13:10

Koro mme ntantafiɔŋ enyɔŋ ye mme constellation midiyamake: utin eyekim ke ini enye ɔwɔrɔde, ɔfiɔŋ idinyuŋ iyakke uŋwana esie ayama.

2 PETER 3:10

Edi Usen Ɔbɔŋ edibuat nte inɔ; ke usen oro ikpa-enyɔŋ eyebe efep ye akamba uyom, se edade ebot ererimbot eyenyuŋ etara ke ɔkpɔsɔŋ ufiop, ndien isɔŋ ye kpukpru utom eke enamde ke esit eyeta ikaŋ ebiara.

AMOS 5:20

Nte usen Jehovah idige ekim? Nkɔm idige uŋwana. Nte idige ɔkposɔŋ ekim? Ŋkɔm uyama iduhe ke esit.

JOEL 3:15

Utin ye ɔfiɔŋ eyebire, ntantafiɔŋ eyenyuŋ enime uyama mmɔ.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

2 PETER 3:12

mbufo emi etiede ebet enyuŋ esɔŋɔde eyom eridi Usen Abasi, kpa usen oro edisinde ikpa-enyɔŋ atara ke ikaŋ, edinyuŋ esinde se edade ebot ererimbot atara ke ɔkpɔsɔŋ ufiop.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

EZEKIEL 32:7

Ndien ke ini nnimede fi nyefuk ikpa-enyɔŋ, nnyuŋ nnam ntanta-ɔfiɔŋ mmɔ ebire; nyenyuŋ nda obubit enyɔŋ mfuk utin, ɔfiɔŋ idinyuŋ iyamake uyama esie.

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

MARK 13:23

Edi mbufo ekpeme: sese, mmebem iso ntiŋ kpukpru ŋkpɔ do nnɔ mbufo.