MARK 13:11 - Edisana ñwed Abasi Ibom

¹¹ Ndien ke ini edidade mbufo eyak enɔ ikpe, ekubem iso etimere esit ekere ebaŋa se mbufo editiŋde, edi ikɔ ekededi eke edinɔde mbufo idaha oro mbufo etiŋ. Koro idige mbufo etiŋ, edi Edisana Spirit.

MARK 13:11 Referans Kwoze

UTOM MME APOSTLE 6:10

Ndien mmɔ ikemeke ndida ke iso ifiɔk ye

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

1 ŊWED CORINTH 2:13

Nnyin ineme nneme mme ŋkpɔ emi; edi nnyin idaha usem eke eti ibuot owo ekpepde ineme, edi usem eke spirit ekpepde; nnyin ida usem spirit isiak ŋkpɔ spirit.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

ŊWED MBON EPHESUS 3:5

emi nditɔ owo mikɔfiɔkke ke mme eyo oko, nte Spirit ama ayarare enye ke emi ɔnɔ nti apostle ye prophet;

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

UTOM MME APOSTLE 2:4

Ndien Edisana Spirit ɔyɔhɔ kpukpru mmɔ ke idem, mmɔ enyuŋ etɔŋɔ ndisem nsio-nsio usem, nte spirit ɔnɔde mmɔ ukeme nditiŋ.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

2 SAMUEL 23:2

Spirit Jehovah ada mi etiŋ ikɔ, uyo esie onyuŋ odu mi ke edeme.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

JOHN 3:27

John ɔbɔrɔ ete, Owo ikemeke ndinyene baba ŋkpɔ kiet, ibɔhɔke Abasi etie ke heaven ɔnɔ enye.

MARK 13:9

Edi mbufo ekpeme idem mbufo; koro eyeyak mbufo esin ke ubɔk esop, eyenyuŋ emia mbufo ke mme synagogue; mbufo eyenyuŋ eda ke iso mme andikara ye ndidem kabaŋa Mi, man edi ntiense enɔ mmɔ.

MATTHEW 10:17

Edi ekpeme idem ye owo; koro mmɔ eyeyak mbufo esin ke ubɔk mme esop, ndien eyemia mbufo ke mme synagogue mmɔ;

UTOM MME APOSTLE 7:55

Edi Stephen ye uyɔhɔ Edisana Spirit owuk enyin ese enyɔŋ, okut ubɔŋ Abasi,

UTOM MME APOSTLE 6:15

Ndien ke ini kpukpru mmɔ emi etiede ke esop ewukde enyin ese enye, mmɔ ekut iso esi ete ebiet iso angel.

MARK 13:12

Ndien eyen-eka eyeda eyen-eka esie ɔnɔ mkpa, ete eyenyuŋ ada eyen ɔnɔ, nditɔ eyenyuŋ edaha eŋwana ye mme ete ye mme eka enyuŋ esin ewot mmɔ.

LUKE 21:12

Edi ke ini kpukpru ŋkpɔ emi miwɔrɔke kaŋa, mmɔ eyemum mbufo, enyuŋ ebine ndinam mbufo idiɔk, enyuŋ eyak mbufo esin ke ubɔk mme synagogue, enyuŋ esin mbufo ke ufɔk ŋkpɔkɔbi, enyuŋ eda mbufo eka ke iso ndidem ye mme andikara kabaŋa enyiŋ Mi.