MARK 12:37 - Edisana ñwed Abasi Ibom

³⁷ David ke idem esie okot Enye, ete, Ɔbɔŋ, didie ndien ke Enye edi Eyen esie? Ndien mbio-obio ekop ikɔ Esie ye idaresit.

MARK 12:37 Referans Kwoze

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

JOHN 12:9

Ntre ke akwa otu mme Jew efiɔk ete Enye do; ndien mmɔ edi, idige ke ntak Jesus ikpɔŋ, edi man mmɔ enyuŋ ekut lazarus, emi Enye akanamde eset ke mkpa.

LUKE 21:38

Ndien kpukpru owo ebak etiene Enye ke temple ke usenubɔk, ete ikop ikɔ Esie.

LUKE 19:48

edi mmɔ ikwe nte ekpanamde; koro kpukpru owo eyirede Enye, ndikop ikɔ Esie.

MATTHEW 21:46

Edi ke ini mmɔ eyomde ndimum Enye mmɔ efehe mme otu owo, koro mmɔ oro edade Enye ke prophet.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 21:45

Ke adaŋemi ikpɔ oku ye mme Pharisee ekopde mme ŋke Esie, mmɔ efiɔk ete Enye etiŋ abaŋa mme imɔ.