MARK 12:1 - Edisana ñwed Abasi Ibom

¹ EKEM Enye ɔtɔŋɔ ndimen ŋke ntiŋ ikɔ ye mmɔ ete,Owo kiet ɔkɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

MARK 12:1 Referans Kwoze

MARK 13:34

Etie nte owo ɔkpɔŋde ufɔk esie aka akadaŋ ke idut efen, onyuŋ ɔnɔ mme anam utom esie odudu, ɔnɔ owo kiet kiet utom esie, onyuŋ ɔdɔhɔ etie-usuŋ ŋko ete etie ekpeme.

MARK 4:2

Ndien Enye ekpep mmɔ ediwak ŋkpɔ ke ŋke, onyuŋ ɔdɔhɔ mmɔ ke erikpep Esie ete, Ekpaŋ utɔŋ.

MATTHEW 25:14

Koro obio ubɔŋ heaven etie nte emi owo oyomde ndika idut efen, ndien enye okot ikɔt esie, ayak inyene esie ɔnɔ mmɔ.

UTOM MME APOSTLE 7:38

Enye edi owo oro asaŋade ye angel emi ekenemede nneme ye enye ke Obot Sinai odu ke esop ke desert ye mme ete nnyin: enye onyuŋ ɔbɔ mme odu-uwem ikɔ ɔsɔk nnyin:

LUKE 19:12

Ntre ke Enye ɔdɔhɔ ete, Ɔbɔŋ kiet akaka anyan idut, ndibɔ ubɔŋ nda mfiak nnyɔŋ.

LUKE 15:13

Ibigike bigi udɔ ataŋ kpukpru se enyenede, adaha aka anyan idut; ndien do ke enye asuan inyene esie ke eridu otime uwem.

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

MATTHEW 21:28

Edi mbufo ese didie? Owo kiet ekenyene nditɔ-iren iba; enye onyuŋ etiene akpan ete, Eyen mi, ka kanam utom ke iŋwaŋ-vine mi mfin.

EZEKIEL 20:49

Ndien ami ndɔhɔ nte, Ah, Ɔbɔŋ Jehovah, mmɔ edɔhɔ mi ete, Nte enye itopke ŋke?

JEREMIAH 2:21

Ndien ami ŋkɔtɔ fi ata vine, ata akpan mkpasip: nsinam ndien afo akabarede edi idiɔk eyen vine idut ɔnɔ mi?

ISAIAH 7:23

Ndien ama ekem ke usen oro, kpukpru ebiet eke tɔsin vine emi ekpade tɔsin silver, edude do, eyekabare edi akpap ye ikɔt ŋkukim.

LUKE 22:9

Edi mmɔ ete Enye, Ke mmɔŋ ke oyom inam ŋkpɔ ebeŋe inim?

MATTHEW 13:3

Ndien Enye etiŋ ediwak ŋkpɔ ɔnɔ mmɔ ke ŋke, ete, Sese, asuan-mkpasip ɔwɔrɔ aka ndisuan;

MATTHEW 21:33

Mbufo ekop ŋke efen. Owo kiet okodu emi edide ete-ufɔk. Enye onyuŋ ɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine ke esit, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

MATTHEW 21:34

Edi ke adaŋemi ini mbuŋwum ekperede, enye osio mme isuŋutom ɔdɔŋ ke ɔtɔ mme ekpeme-iŋwaŋ, ete ebɔ mbuŋwum imɔ.

MARK 3:23

Ndien Enye okot mmɔ onyuŋ otop ŋke ɔnɔ mmɔ ete, Satan ekeme didie ndibin mme demon nduɔk?

MARK 11:33

Ntre ke mmɔ ebɔrɔ Jesus ete, Nnyin ifiɔkke. Ekem Jesus ete mmɔ, Ami nde nsianke mbufo odudu eke ndade nnam mme ŋkpɔ emi.