MARK 11:24 - Edisana ñwed Abasi Ibom

²⁴ Mmɔdo ndɔhɔ mbufo nte, Kpukpru ŋkpɔ ekededi eke mbufo ebɔŋde akam ebeŋe, enim ete mme imɔ ima ibɔ inyene, ndien eyewɔrɔ ɔnɔ mbufo.

MARK 11:24 Referans Kwoze

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

1 JOHN 3:22

nnyin inyene uko ye Abasi; iyenyuŋ ibɔ se ededi eke ibeŋede ke ubɔk Esie, sia nnyin inimde mbet Esie, inyuŋ inamde se inemde Enye esit.

MATTHEW 18:19

Mmonyuŋ ntɔŋɔ ntak ndɔhɔ mbufo nte, owo iba ke otu mbufo ema eduk ediomi ebaŋa ŋkpɔ ekededi eke mmɔ edibeŋede, Ete Mi emi odude ke heaven eyenam ŋkpɔ oro ɔnɔ mmɔ.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

MARK 11:25

Ndien ini ekededi eke mbufo edade ebɔŋ akam, edieke mbufo enyenede ikɔ ye owo, edahado enɔ enye;

1 ŊWED CORINTH 14:13

Yak owo eke esemde usem ndien ebeŋe ete, imɔ idikeme ndikabare se itiŋde.