MARK 11:18 - Edisana ñwed Abasi Ibom

¹⁸ Ndien ikpɔ oku ye mme scribe ekop, enyuŋ eyom usuŋ nte mmɔ ediwotde Enye; koro mmɔ efehede Enye, koro kpukpru owo edu ke mkpa -idem kabaŋa ukpep-ŋkpɔ Esie.

MARK 11:18 Referans Kwoze

MATTHEW 7:28

Edikem, ke ini Jesus ama eketiŋ ikɔ emi ama, mkpaidem omum ediwak owo oro abaŋa ukpep-nkpɔ Esie;

MARK 12:12

Ndien mmɔ eyom ndimum Enye, edi mmɔ efehe otu owo; koro mmɔ efiɔkde ete, Enye ama otop ŋke emi adian mme imɔ. Mmɔ enyuŋ ekpɔŋ Enye enyɔŋɔ.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

JOHN 7:46

Mme isuŋutom ebɔrɔ ete, Akananam owo itiŋke ikɔ nte owo emi.

LUKE 20:19

Ndien mme scribe ye ikpɔ oku eyom ndimum Enye ke ini oro; edi mmɔ efehe mbio-obio: koro mmɔ efiɔkde ete Enye okotop ŋke emi otuk mme imɔ.

LUKE 19:47

Ndien Enye ekekpep mmɔ ŋkpɔ ke usen ke usen ke temple. Edi ikpɔ oku ye mme scribe ye mme etubom-mbio-obio eyom usuŋ nte ekpowotde Enye;

LUKE 4:22

Kpukpru mmɔ enyuŋ edi ntiense enɔ Enye, enyuŋ edu ke mkpa-idem ndikop ikɔ mfɔn eke ewɔŋɔde Enye ke inua: mmɔ nyuŋ edɔhɔ ete, Nte Enye emi idige eyen Joseph?

MARK 11:32

Edi ima idɔhɔ ite, Oto owo mmɔ efehe mbio-obio; koro kpukpru owo edade John ke prophet ke ata akpanikɔ.

MARK 6:20

edi ikemeke: koro Herod efefehe John, sia ɔfiɔkde ete enye edi edinen ye edisana owo, onyuŋ ekpeme enye. Ndien ke ini enye okopde uyo John, ekikere otimere enye; enye onyuŋ okop uyo oro ke inemesit.

MARK 3:6

Edi mme Pharisee ewɔŋɔ ekeduk odu idaha oro ye mme Herodian ebaŋa Enye, eyom usuŋ nte mmɔ edisaŋade ewot Enye.

MARK 1:22

Ndien erikpep Esie enyene mmɔ ndyɔ; koro Enye ekpepde mmɔ nte owo emi enyenede odudu, idige nte mme scribe.

MATTHEW 21:15

Edi ke adaŋemi ikpɔ oku ye mme scribe ekutde mme utibe ŋkpɔ eke Enye anamde, ye nditɔ emi efioride ke temple, ete, Hosanna enyene Eyen David, esit ayat mmɔ eti-eti, mmɔ enyuŋ edɔhɔ Enye ete,

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

1 NDIDEM 22:18

Ndien edidem Israel ɔdɔhɔ Jehoshaphat, ete, Nte ŋkɔdɔhɔke fi, nte ke enye isitiŋke eti prophecy ibaŋa mi, edi idiɔk?

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

LUKE 2:47

edi idem akpa kpukpru mmɔ emi ekopde ikɔ Esie, abaŋa ɔniɔŋ ye mme ibɔrɔ Esie.

JOHN 7:1

KE ŋkpɔ emi ema ekebe, Jesus asaŋa ke Galilee; koro Enye minyimeke ndisaŋa ke Judaea, koro mme Jew eyomde Enye ndiwot.

JOHN 7:19

Nte Moses ikɔnɔŋɔ mbufo ibet? ndien baba owo kiet ke otu mbufo inimke ibet.