MARK 10:51 - Edisana ñwed Abasi Ibom

⁵¹ Jesus ɔbɔrɔ enye ete, Oyom ete nnam nso nnɔ fi? Nnan oro ete Enye, Rabboni, nyom nditɔŋɔ ntak ŋkut usuŋ.

MARK 10:51 Referans Kwoze

MARK 10:36

Ndien Enye ete mmɔ, mbufo eyom ete nnam nso nnɔ mbufo?

MATTHEW 7:7

Ebeŋe, ndien eyenɔ mbufo; eyom, ndien mbufo eyekut; etuak, ndien eyesio usuŋ enɔ mbufo:

2 CHRONICLES 1:7

Ke okoneyo oro Abasi owut Solomon idem, onyuŋ ɔdɔhɔ enye, ete, Siak se ndinɔde fi.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

MATTHEW 6:8

Mmɔdo ekubiet mmɔ: koro Ete mbufo ɔmɔfiɔk ŋkpɔ eke enanade mbufo, ndien mbufo edibeŋe Enye.

MATTHEW 23:7

ye ikpɔ itie ke mme synagogue, ye ekɔm ke aŋwa-urua: enyuŋ ema owo ekot mmɔ, ete,

JOHN 20:16

Jesus ete enye, Mary. Enye ɔwɔŋɔde ada okot Enye ke usem Hebrews ete, Rabboni, oro edi, Andikpep.

MATTHEW 23:8

Rabbi (Andikpep mi). Edi ekuyak ekot mbufo, ete, Rabbi: koro Kiet edi Andikpep mbufo, kpukpru mbufo enyuŋ edi nditɔ-ete.

MARK 10:50

Edi enye otop ɔfɔŋidem esie ɔduɔk, obumere adaha ke enyɔŋ, editiene Jesus.

UTOM MME APOSTLE 23:19

Ndien akamba etubom omum akparawa oro ke ubɔk, esehere ada obup enye ndibe-ndibe, ete, Nso ke enyene nditiŋ nnɔ mi?