MARK 10:47 - Edisana ñwed Abasi Ibom

⁴⁷ Ndien ke ini enye okopde ete edi Jesus eyen Nazareth, enye ɔtɔŋɔ ndifiori ete, Jesus, Afo Eyen David, tua mi mbɔm.

MARK 10:47 Referans Kwoze

MARK 1:24

enye onyuŋ ofiori ete, Isaŋa nso ye Afo, Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

MATTHEW 9:27

Ekem nte Jesus otode do asaŋa ebe, nnan iba etiene Enye, efiori ete, Eyen David, tua nnyin mbɔm.

JOHN 7:52

Duŋɔre kokut ete, baba prophet kiet itoho ke Galilee iwɔrɔ.

MATTHEW 26:71

Ndien ke ini enye ɔwɔrɔde ke otop, eyen-aŋwan efen okut enye, onyuŋ ɔdɔhɔ mmɔ emi edade do, ete, Owo emi nde okodu ye Jesus eyen Nazareth.

MATTHEW 15:22

Ndien sese, ŋwan Canaan kiet oto ke adaŋa edem oro edi, onyuŋ ofiori ete, Tua mi mbɔm, O Ɔbɔŋ, Afo Eyen David; demon ke ɔtuhɔre eyen mi aŋwan eti-eti.

UTOM MME APOSTLE 6:14

Jesus eyen Nazareth emi eyewuri ebiet emi, onyuŋ ɔkpuhɔre mme ido eke Moses ɔkɔnɔde nnyin ete inim.

JOHN 19:19

Ndien Pilate ewet enyiŋ emi edoride Enye akadian ke cross. Ndien ewet ete, JESUS-A-NAZARETH, EDIDEM MME JEW.

JOHN 7:41

Mmɔ efen ete, Emi edi Christ. Edi ndusuk ete, Baba, nte Christ edito ke Galilee?

JOHN 1:46

Nathanael ete enye, Nte baba eti ŋkpɔ ekeme ndito ke Nazareth? Philip ete enye, Di dise.

LUKE 4:16

Ekem Enye edi ke Nazareth, kpa ke ebiet emi ekebɔkde Enye: ndien nte ido Esie edide, Enye oduk ke synagogue ke usen sabbath, onyuŋ adaha ke enyɔŋ ndikot ŋwed.

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

MATTHEW 20:30

Ndien sese, mbon nnan iba emi etiede ke mben-usuŋ, ke ini mmɔ ekopde ete Jesus asaŋa ebe, efiori ete, Ɔbɔŋ, Afo Eyen David, tua nnyin mbɔm.

MATTHEW 12:23

Ndien idem akpa kpukpru mme otu owo oro, mmɔ enyuŋ edɔhɔ ete, Ndi Enye emi edi Eyen David?

MATTHEW 2:23

enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

MATTHEW 1:1

ŊWED emana Jesus Christ, eyen David, eyen Abraham.

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.