MARK 10:14 - Edisana ñwed Abasi Ibom

¹⁴ Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MARK 10:14 Referans Kwoze

MATTHEW 19:14

Edi Jesus ɔdɔhɔ mmɔ ete, Eyak ŋkpri nditɔ, ekukpan mmɔ nditiene Mi; koro Obio Ubɔŋ Heaven edide eke oruk emi.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 18:4

Mmɔdo owo ekededi eke edisuhɔrede idem nte ekpri eyenɔwɔŋ emi, kpa enye okpon akan ke Obio Ubɔŋ Heaven.

1 PETER 2:2

nte nsek-nditɔ, eyom ata mmɔŋ-eba Spirit, man mbufo eda enye ekɔri esim erinyaŋa,

2 ŊWED TIMOTHY 3:15

toto ke uyen afo ama ɔfiɔk Edisana Ŋwed Abasi, emi ekemede ndinam fi ɔwɔrɔ ɔniɔŋ ɔbɔ erinyaŋa ke eribuɔt idem ye Christ Jesus.

ERIYARARE 14:5

Ndien owo ikwe mmɔ abiaŋa ke inua; mmɔ inyuŋ inyeneke ndo.

2 ŊWED TIMOTHY 1:5

Koro mmeti ata mbuɔtidem eke odude fi ke esit; eke ekebemde iso oduŋ ke esit eka eka fo Lois, ye ke esit eka fo Eunice, nnyuŋ nnim ke akpanikɔ nte enye etiene odu fi ke idem.

ŊWED MBON EPHESUS 4:26

Eyat esit, ndien ekudue; ekuyak utin ɔsuhɔre edisim iyaresit mbufo: ekunyuŋ enɔ Satan ufaŋ.

1 ŊWED CORINTH 14:20

Nditɔ-ete mi, ekudi nditɔwɔŋ ke ekikere, edi ke erinam ibak etie nte nsek nditɔ; edi ke ekikere etie nte ikpɔ owo.

1 ŊWED CORINTH 7:14

Koro ebe eke minimke ke akpanikɔ ama akabare edi edisana ke ŋwan esie, ŋwan eke minimke ke akpanikɔ ama onyuŋ akabare edi edisana ke eyen-ete oro: midige ntre, nditɔ mbufo ikpasanake; edi kemi mmɔ esana.

ŊWED MBON ROME 11:28

Ke ŋkaŋ gospel, mmɔ edi mme asua kabaŋa mbufo: edi ke ŋkaŋ erimek, Abasi ama mmɔ kabaŋa mme ete mmɔ.

ŊWED MBON ROME 11:16

Edieke akpa ubak asanade, ofuri ebok asana kpa ntre: onyuŋ edieke oruŋ asanade, mme ŋkɔk etie kpa ntre.

UTOM MME APOSTLE 3:25

Mbufo edi nditɔ mme prophet ye nditɔ ediomi oro Abasi okodukde ye mme ete mbufo, ke adaŋemi Enye ɔdɔhɔde Abraham ete, Ndien oto ke ubon fo kpukpru oruk owo ke ererimbot eyekut ufɔn.

UTOM MME APOSTLE 2:39

Koro uŋwɔŋɔ oro enyene mbufo ye nditɔ mbufo ye kpukpru mmɔ emi edude nsan-nsan, adaŋa owo nte Jehovah Abasi nnyin edikotde etiene Enye.

MARK 8:33

Edi Enye ɔwɔŋɔre ese mbet Esie, asua ɔnɔ Peter, ete enye, Da ke edem Mi, Satan: koro afo ukereke ŋkpɔ Abasi, edi ekere ŋkpɔ owo.

MARK 3:5

Ndien ke ini Enye ama akasuan enyin ese mmɔ ke iyaresit, koro nsɔŋesit mmɔ anamde Enye mfuhɔ, Enye ɔdɔhɔ owo oro ete, Nyanare ubɔk fo. Enye anyanare ubɔk: ubɔk esie onyuŋ akabare ɔfɔn.

ISAIAH 65:23

Mmɔ idinamke utom ke ikpikpu, idinyuŋ imanke nditɔ inɔ ŋkpɔ ndik: koro mmɔ ye ubon mmɔ ŋko edide nditɔ mmɔ eke Jehovah ɔdiɔŋde.

ŊWED MME PSALM 78:4

Nnyin ididipke nditɔ mmɔ, edi isian emana eŋwen itoro Jehovah, ye odudu esie, ye mme utibe ŋkpɔ esie emi enye akanamde.

DEUTERONOMY 4:37

Ndien oto koro enye akamade mme usɔ, mmɔde enye emekde nditɔ mmɔ emi etienede mmɔ ke edem, onyuŋ adade akwa odudu esie osio fi ke Egypt ke iso esiemɔ:

NUMBERS 14:31

Edi ama edi nditɔwɔŋ mbufo emi mbufo ekedɔhɔde ebaŋa, ete ke mmɔ eyedi ŋkpɔ mbume, nyeda mmɔ nduk, ndien mmɔ eyefiɔk isɔŋ emi mbufo esinde ke ndek.

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

1 SAMUEL 1:22

Ndien Hannah idɔkke: edi enye ɔdɔhɔ ebe esie, ete, ŋkaha tutu eyen adaha ke eba, ndien nyeda enye ŋka, man ekut enye ke iso Jehovah, man enye onyuŋ adaŋ do ke nsinsi.

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

MATTHEW 5:10

Ɔfɔfɔn ɔnɔ mmɔ eke owo ekɔbɔde mmɔ kabaŋa edinen ido: koro Obio Ubɔŋ Heaven enyene mmɔ.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.