LUKE 9:44 - Edisana ñwed Abasi Ibom

⁴⁴ Eyak mme ikɔ emi etim eduk mbufo utɔŋ, koro emɔŋ ediyak Eyen owo esin owo ke ubɔk.

LUKE 9:44 Referans Kwoze

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

LUKE 9:22

onyuŋ ɔdɔhɔ mmɔ ete, Eyen Owo enyene ndikut ediwak ukut, mbiowo ye ikpɔ oku ye mme scribe eyenyuŋ esin Enye, enyuŋ ewot Enye; ndien Abasi eyenam Enye eset ke ɔyɔhɔ usen ita.

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

LUKE 2:19

Edi Mary omum kpukpru ŋkpɔ emi akama, onyuŋ ekere mmɔ ke esit esie.

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 18:31

Ekem Enye ada mbet duopeba esihere ada ŋkaŋ kiet, onyuŋ ɔdɔhɔ mmɔ ete, Sese, nnyin imɔŋ idɔk ika Jerusalem, ndien kpukpru se mme prophet ekewetde eyewɔrɔ enɔ Eyen Owo.

LUKE 2:51

Ekem Enye asaŋa ye mmɔ ɔsuhɔre edi ke Nasareth, onyuŋ osuk ibuot ɔnɔ mmɔ; edi eka Esie omum kpukpru mme ikɔ oro akama ke esit esie.

LUKE 1:66

Ndien kpukpru owo eke ekopde emum mbuk oro ekama ke esit, ete, Nso oruk owo ke eyen emi edidi? Koro ubɔk Jehovah ododu ye enye.

MARK 9:31

Koro Enye ekpepde mbet Esie ŋkpɔ, ete mmɔ, Emayak Eyen Owo esin mme owo ke ubɔk, ndien mmɔ eyewot Enye; ndien ke ini ewotde Enye, usen ita ema ebe, Enye eyeset.

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

2 SAMUEL 24:14

Ndien David ɔdɔhɔ Gad, ete, Mmetie ke akwa nnanenyin: yak nnyin ikam iduɔ isine Jehovah ke ubɔk: koro enye okponde mbɔm: yak mi ŋkuduɔ nsine ke ubɔk owo.

JOHN 16:31

Jesus ɔbɔrɔ mmɔ ete, Nte mbufo emonim ndien ke akpanikɔ?