LUKE 9:27 - Edisana ñwed Abasi Ibom

²⁷ Edi ntiŋ akpanikɔ nnɔ mbufo, ndusuk owo edu ke otu mmɔ emi edade mi emi miditabike mkpa, tutu mmɔ ekut Ubɔŋ Abasi.

LUKE 9:27 Referans Kwoze

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MARK 9:1

NDIEN Enye ete mmɔ, Ke akpanikɔ ke ndɔhɔ mbufo Ndusuk owo edu ke otu mmɔ emi edade mi, emi miditabike mkpa tutu mmɔ ekut Ubɔŋ Abasi nte edide ke odudu.

LUKE 22:18

koro mmɔdɔhɔ mbufo nte, Ɔtɔŋɔde ke emi ndiwɔŋke aba mfri vine tutu Ubɔŋ Abasi edi.

MME HEBREW 2:9

Edi nnyin ikut Enye, emi ekenamde Enye ekpri akan mme angel ke ini esisit kaŋa man Enye akpa mkpa, kpa Jesus, nte ayarade ubɔŋ ye ukpono man ke mfɔn Abasi Enye akpatabi mkpa ke ibuot kpukpru owo.

LUKE 2:26

Edisana Spirit ama onyuŋ ayarare ɔnɔ enye ete enye idikpaha tutu enye okut Christ emi Jehovah ɔdɔŋde.

MARK 14:25

Ke akpanikɔ ke ndɔhɔ mbufo, ndiŋwɔŋke aba mfri vine, tutu osim usen oro ndiŋwɔŋde enye obufa ke Obio Ubɔŋ Abasi.

JOHN 16:7

Edi ntiŋ akpanikɔ nnɔ mbufo; erinyɔŋ Mi eyefɔn ye mbufo: koro edieke mmenyɔŋke, Iberedem iditieneke mbufo; edi mma nnyɔŋ, nyedɔŋ Enye etiene mbufo.

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

JOHN 14:2

Ediwak ufɔk edu ke ebiet Ete Mi; edieke mikpedige ntre, ŋkpɔdɔhɔ mbufo; koro mmɔŋ ŋka ŋkotim itie nnim nnɔ mbufo.