LUKE 9:12 - Edisana ñwed Abasi Ibom

¹² Ekem utin ɔtɔŋɔ ndikɔhɔre itɔŋ; ndien mbet Esie duopeba edi edidɔhɔ Enye ete, Dɔŋ otu owo enyɔŋɔ, man eka ekedaŋ ke obio-iŋwaŋ ye iŋwaŋ emi edude ke ŋkan-ŋkuk, enyuŋ ekut se ediade, koro nnyin idu mi ke ebiet desert.

LUKE 9:12 Referans Kwoze

MATTHEW 15:23

Edi Jesus ibɔrɔke ndomo ikɔ kiet inɔ enye. Mbet Esie enyuŋ edi edikpe ye Enye ete, Sio ŋwan emi unyɔŋ; koro enye ke ofiori etiene nnyin ke edem.

HOSEA 13:5

Ami ŋkɔfiɔk fi ke wilderness; ke isɔŋ nsat-itɔŋ.

JOHN 6:1

KE ŋkpɔ emi ema ekebe, Jesus adaha aka ke edem inyaŋ Galilee oko, emi edide inyaŋ Tiberias.

MATTHEW 15:32

Edi Jesus okot mbet Esie edi, ete, Mmatua otu owo mbɔm, koro ke emi mmɔ ema etie ye Ami usen ita, minyuŋ inyeneke se ediade; nnyuŋ mmaŋa ndidɔŋ mmɔ esaŋa ye biɔŋ enyɔŋɔ, mbak mmɔ edikpa mba ke usuŋ.

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

LUKE 9:11

Edi ke adaŋemi mme otu owo efiɔkde, mmɔ etiene Enye. Ndien Enye adara mmɔ, onyuŋ etiŋ ikɔ ɔnɔ mmɔ abaŋa Ubɔŋ Abasi, onyuŋ ɔkɔk udɔŋɔ mmɔ emi eyomde nsɔŋ-idem.

LUKE 9:13

Enye ɔdɔhɔ mmɔ ete, Mbufo enɔ mmɔ ŋkpɔ edia. Edi mmɔ edɔhɔ ete, Nnyin inyeneke ŋkpɔ ibe uyo ition ye iyak iba; ibɔhɔke ika ikedep udia inɔ adaŋa ediwak owo emi.

ŊWED MBON PHILIPPI 1:19

ke akpanikɔ nyenyuŋ ndadara; koro mmɔfiɔk nte ŋkpɔ emi eyewɔrɔ erinyaŋa ɔnɔ mi, oto ke mkpe-ubɔk mbufo, ye Spirit emi Jesus Christ edinɔde mi: