LUKE 8:48 - Edisana ñwed Abasi Ibom

⁴⁸ Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ koduk ke emem.

LUKE 8:48 Referans Kwoze

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

MME HEBREW 4:2

Koro ke akpanikɔ ema ekwɔrɔ gospel enɔ nnyin, kpa nte eke-kwɔrɔde enɔ mmɔ; edi ikɔ eke mmɔ ekopde inamke mmɔ ufɔn, koro mikadianake ye mbuɔtidem ke esit mmɔ emi ekopde.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

LUKE 17:19

Ndien Enye ɔdɔhɔ owo oro ete, Daha, nyɔŋ okuo: mbuɔtidem ama anam idem ɔsɔŋ fi.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

LUKE 18:42

Jesus ete enye, Kut usuŋ; mbuɔtidem fo ama anyaŋa fi.

MATTHEW 8:13

Ekem Jesus ɔdɔhɔ centurion, ete, Nyɔŋ okuo: yak osu ɔnɔ fi adaŋa nte onimde ke akpanikɔ. Ndien udɔŋɔ okure owo esie kpa ke ini oro.

1 SAMUEL 1:17

Ndien Eli ɔbɔrɔ ete, Nyɔŋ ke ifure: ndien Abasi Israel osuk ɔnɔ fi ebeŋe emi afo ekebeŋede enye.

EXODUS 4:18

Ndien Moses ɔnyɔŋ ke ebiet Jethro ete aŋwan esie, onyuŋ ɔdɔhɔ ete, Mbɔk, yak mi nnyɔŋ ntiene nditɔ-ete mi emi edude ke Egypt, nnyuŋ nse mme mmɔ esuk ededu uwem. Ndien Jethro ɔdɔhɔ Moses, ete, Ka ke ifure.

MATTHEW 12:20

Enye idibuŋke nyanyaŋa eke anuahade, Idinyuŋ inimeke ɔfɔŋ-utuenikaŋ eke osiode nsuŋikaŋ, Tutu Enye edinam ubiere-ikpe ɔwɔrɔ ada onyuŋ akan.

MATTHEW 9:2

Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

2 NDIDEM 5:19

Ndien enye (Elisha) ɔdɔhɔ enye, ete, Ka ke ifure. Ntem ke enye ɔnyɔŋ ɔkpɔŋ enye esisit.

LUKE 8:47

Edi ke ini ŋwan oro okutde ete imɔ idibeke, enye edi ke nnyek-idem ediduɔ Enye ke iso, onyuŋ etiŋ ke iso kpukpru owo ntak eke okotukde Enye, ye adaŋa nte udɔŋɔ esie okokurede ini kiet.