LUKE 8:47 - Edisana ñwed Abasi Ibom

⁴⁷ Edi ke ini ŋwan oro okutde ete imɔ idibeke, enye edi ke nnyek-idem ediduɔ Enye ke iso, onyuŋ etiŋ ke iso kpukpru owo ntak eke okotukde Enye, ye adaŋa nte udɔŋɔ esie okokurede ini kiet.

LUKE 8:47 Referans Kwoze

MARK 5:33

Edi ŋwan oro, sia ɔfiɔkde se ikotibede inɔ enye, edi ke ndik ye nnyek-idem ediduɔ Enye ke iso, onyuŋ etiŋ ofuri akpanikɔ ɔnɔ Enye.

2 ŊWED CORINTH 7:15

Ndien enye ɔdɔdiɔŋ ama mbufo ke esit esie, ke ini enye etide nte mbufo kpukpru ekopde uyo esie, enyuŋ edade enye ke ndik ye nnyek-idem.

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

1 ŊWED CORINTH 2:3

Ami ŋkonyuŋ ndu ye mbufo ke mmem-idem, ye ndik, ye akwa nnyek-idem;

ŊWED MME PSALM 2:11

Enam ŋkpɔ Jehovah ke ndik, enyuŋ edara ke unyek-idem.

UTOM MME APOSTLE 16:29

Ntem ekpeme-ufɔk-ŋkpɔkɔbi ete eda utuenikaŋ edi, onyuŋ ɔfrɔ oduk ufɔk; idem aduai enye ɔnɔ ndik, enye onyuŋ ɔduɔ ke iso Paul ye Silas,

1 SAMUEL 16:4

Ndien Samuel anam se Jehovah ɔkɔhɔde, onyuŋ edi ke Bethlehem. Ndien mbiowo enyek idem ke ini enye ɔbiɔŋɔrede, ndien mmɔ ebup ete, Nte afo edi ke ufan?

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ŊWED MME PSALM 38:9

Ɔbɔŋ, kpukpru se idɔŋde mi odu fi ke iso; eseme mi inyuŋ idibeke fi.

ŊWED MBON PHILIPPI 2:12

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ;

MATTHEW 28:8

Mmɔ enyuŋ ewara edaha ekpɔŋ udi ye ndik ye akwa idara, enyuŋ efehe edi ndida etop emi nsɔk mbet Esie.

HOSEA 13:1

KE adaŋemi Ephraim ɔdɔhɔde, ndik mmɔdo: enye oforo ke Israel: ndien ke adaŋemi enye eduede isop ke ikɔ Baal, enye akpa.

HOSEA 5:3

Ami mmɔfiɔk Ephraim, Israel inyuŋ idibeke mi: koro ke emi ke afo anam use, O Ephraim, Israel onyuŋ edehe ŋko.

ŊWED MME PSALM 66:16

Kpukpru mbufo emi ebakde Abasi, edi edikop, ndien nyesian mbufo se enye akanamde ye ukpɔŋ mi.

LUKE 8:46

Edi Jesus ɔdɔhɔ ete, Owo kiet okotuk Mi: koro mmɔfiɔk nte odudu ama ɔwɔrɔ Mi ke idem.

LUKE 8:48

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ koduk ke emem.