LUKE 8:41 - Edisana ñwed Abasi Ibom

⁴¹ Ndien sese, owo kiet, emi ekerede Jairus, edi, enye onyuŋ edi ɔbɔŋ synagogue; enye ɔduɔ ke isɔŋ ke ukot Jesus, ekpe Enye ubɔk, ete edi ke ufɔk imɔ;

LUKE 8:41 Referans Kwoze

UTOM MME APOSTLE 18:8

Edi Crispus, etubom synagogue, onim Ɔbɔŋ ke akpanikɔ, ye ofuri ufɔk esie; ediwak mbio Corinth enyuŋ ekop, enim ke akpanikɔ, enyuŋ ena baptism.

UTOM MME APOSTLE 13:15

Edi ke ema ekekot mbet ye mme prophet ema, mme etubom synagogue edɔŋ edidɔhɔ mmɔ ete, Nditɔ-ete, edieke mbufo enyenede item eke enɔde mbio-obio, etiŋ.

LUKE 13:14

Edi etubom synagogue ayat esit koro Jesus anamde udɔŋɔ okure ke sabbath onyuŋ ɔdɔhɔ mbio oro, ete, Usen itiokiet edu nte owo ekpenamde utom ke esit: mbufo edi ke mme usen oro, man enam udɔŋɔ ekure mbufo; ekudi ke sabbath.

LUKE 8:49

Nte Enye osuk etiŋde ikɔ, owo oto ufɔk ɔbɔŋ synagogue edi edidɔhɔ ete, Eyen fo ama akpa; kufina aba Andikpep.

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

UTOM MME APOSTLE 18:17

Edi kpukpru mmɔ (mme Greek) emum Sosthenes, etubom synagogue, emia enye ke iso itie-ikpe. Edi Gallio idɔŋke dɔŋ enyin do.

UTOM MME APOSTLE 9:38

Edi sia Lydda ekperede Joppa, mbet enyuŋ ekopde ete Peter mɔdo, mmɔ edɔŋ owo iba ke ɔtɔ esie, edikpe enye ubɔk ete, Kubigi ndibe nsim nnyin idem.

LUKE 17:16

onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria.

LUKE 5:8

Ke Simon Peter okutde emi, ɔduɔ Jesus ke edɔŋ, ofiori ete, Daha kpɔŋ mi, O Ɔbɔŋ, koro ami ndide idiɔk owo.

JOHN 11:21

Ndien Martha ɔdɔhɔ Jesus ete, Ɔbɔŋ, edieke Afo okpodude mi, eyen-eka mi ikpakpaha.

LUKE 8:42

koro enye enyenede ikpɔŋ-ikpɔŋ eyen-aŋwan, emi edide ŋkpɔ nte isua duopeba, ndien enye ke oyom ndikpa.