LUKE 8:38 - Edisana ñwed Abasi Ibom

³⁸ Edi owo emi mme demon ekɔwɔŋɔde enye ke idem ebeŋe Enye ete ayak imɔ idu ye Enye.

LUKE 8:38 Referans Kwoze

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

LUKE 8:37

Ndien kpukpru mme andiduŋ ke ofuri ŋkan-ŋkuk isɔŋ mme Gerasene ekpe Enye ubɔk ete ɔnyɔŋ ɔkpɔŋ mme imɔ; koro akamba ndik omumde mmɔ: ntre ke Enye ediere ke ubom afiak osio.

LUKE 8:28

Ke adaŋemi enye okutde Jesus, enye ofiori, ɔduɔ Enye ke iso, onyuŋ ɔdɔhɔ ke ɔkpɔsɔŋ uyo, ete, Nsaŋa nso ye Afo, Jesus, Eyen Abasi Ibom?

ŊWED MME PSALM 116:16

Mbɔk, O Jehovah, ami ndi owo fo; eyen ofin aŋwan fo: afo amatat mi uruk.

ŊWED MME PSALM 116:12

Ndinam didie nnɔ Jehovah usiene kpukpru mfɔnido emi enye ɔfɔnde ye ami?

ŊWED MME PSALM 32:7

Afo edi ebiet udibe mi; eyekpeme mi abak nnanenyin: eyeda ikwɔ ubɔhɔ akan mi okuk. Selah.

ŊWED MME PSALM 27:4

Mmebeŋe Jehovah ŋkpɔ kiet, ndien nyeyom enye; nte nduŋ ke ufɔk Jehovah ke ofuri uwem mi, man nse uyai Jehovah, nnyuŋ ntim mbup ke temple esie.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

LUKE 8:39

Edi Jesus anam enye ɔnyɔŋ, onyuŋ ɔdɔhɔ enye ete,Fiak nyɔŋ ufɔk, kobuk ikpɔ ŋkpɔ eke Abasi akanamde ɔnɔ fi. Ndien enye ɔnyɔŋ akasuan mbuk ikpɔ ŋkpɔ eke Jesus akanamde ɔnɔ enye ke ofuri obio.