LUKE 8:3 - Edisana ñwed Abasi Ibom

³ ye Joanna ŋwan Chuza akama-ukpɔhɔre Herod, ye Susanna, ye ediwak mmɔ efen: emi edade se enyenede ese ebaŋa mmɔ.

LUKE 8:3 Referans Kwoze

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

ŊWED MBON PHILIPPI 4:22

Nditɔ-ete eke edude ye ami ete ekɔm mbufo. Kpukpru ikɔt Abasi ete ekɔm mbufo, akpan-akpan mbon ufɔk Caesar.

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

MATTHEW 26:11

Koro mbufo emenyene mme ubuene ye mbufo kpukpru ini; edi mbufo inyeneke Mi kpukpru ini.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 2:11

Mmɔ enyuŋ eduk ufɔk ekokut nsek eyen ye eka Esie Mary; enyuŋ eduɔŋɔ ke isɔŋ, etuak ibuot enɔ Enye; ndien ekibɔre ukama-ŋkpɔ-uto mmɔ, esio gold ye ufuɔŋkpɔ ye myrrh, enɔ Enye.

ISAIAH 23:18

Ndien utip esie ye udori esie eyekabare edi edisana ŋkpɔ Jehovah: mmɔ idinimke enye, idinyuŋ ibonke enye: koro udori esie eyekabare edi se mmɔ eke eduŋde ke iso Jehovah edade edia eyuhɔ, enyuŋ esine ata eti edisine-ŋkpɔ.

1 CHRONICLES 29:14

Edi ami ndi anie, ikɔt mi enyuŋ edi mme anie, eke nnyin ikemede nditat ubɔk ntem? Ŋkɔm kpukpru ŋkpɔ eto fi, nnyin inyuŋ inɔ fi se itode fi ke ubɔk.

LUKE 24:10

Iban emi edi Mary Magdalene ye Joanna, ye mary eka james; iban efen emi esaŋade ye mmɔ etiŋ mme ŋkpɔ emi enɔ mme apostle:

UTOM MME APOSTLE 13:1

MME prophet ye mme anditeme edu ke ufɔk Abasi ke Antioch, Barnabas, ye Simeon emi ekerede Niger, ye Lucius owo Cyrene, ye Manaen emi ekebɔkde ye Herod tetrarch, ye Saul.

MATTHEW 14:1

KE iduɔk ini oro Herod tetrarch okop etop Jesus.

MATTHEW 14:3

Koro Herod okomum John, esin ke ebuka, otop ɔduɔk ke ufɔk-ŋkpɔkɔbi, kabaŋa Herodias, ŋwan eyen-ete esie Philip.

MATTHEW 14:6

Edi ke adaŋemi osimde usen emana Herod, eyen Herodias aŋwan enek unek ke ufɔt mmɔ kpukpru, onyuŋ enem Herod esit:

MATTHEW 20:8

Enye ete mmɔ, Mbufo nde eduk ke iŋwaŋ-vine. Ekem ke ini osimde mbubreyo, enyene-iŋwaŋ-vine ɔdɔhɔ akama-ukpɔhɔre esie ete, Kot mbon-utom edi, nyuŋ nɔ mmɔ okuk mmɔ, ɔtɔŋɔde ke ekperedem osim ebe-iso.

MATTHEW 27:55

Ndien ediwak iban, emi ekotode ke Galilee esaŋa ye Jesus ese ebaŋa Enye, edu do, eda nsan nsan ese;

JOHN 12:6

Edi enye idɔhɔke ntem koro enye ekerede mme ubuene; edi ɔdɔhɔ koro enye edide inɔ, onyuŋ akamade ekpat okuk, onyuŋ ososio se isinede ke esit.