LUKE 7:46 - Edisana ñwed Abasi Ibom

⁴⁶ Afo uyetke Mi aran ke ibuot: edi enye ada ufuɔŋkpɔ eyet Mi ke ukot.

LUKE 7:46 Referans Kwoze

ŊWED MME PSALM 23:5

Afo eyebri okpokoro ɔnɔ mi ke iso mme asua mi: eyeda aran eyet mi ke ibuot; cup mi ɔyɔhɔ ɔduɔi.

ECCLESIASTES 9:8

Yak edisine-ŋkpɔ fo edi edisana kpukpru ini; kunyuŋ uyak ibuot fo anana aran.

MATTHEW 6:17

Edi ama edi afo, ke ini etrede udia, da aran yet ke ibuot, nyuŋ yet iso:

DANIEL 10:3

Ntaha edinem uyo, unam ye wine inyuŋ idukke mi ke inua, nnyuŋ nyereke aran baba tutu ofuri usen edip ye kiet eyɔhɔ.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

2 SAMUEL 14:2

Ndien Joab ɔdɔŋ eka ke Tekoa, ekeda ɔfiɔkŋkpɔ ŋwan do edi, onyuŋ ɔdɔhɔ enye, ete, Mbɔk nim idemfo nte ŋwan eke etiede ikpo, nyuŋ sine ɔfɔŋ-idem ikpo, kunyuŋ uyere aran, edi nim idemfo nte ŋwan eke etiede ikpo anyan ini abaŋa akpa mkpa:

RUTH 3:3

Yere mmɔŋ, ndien, nyuŋ da edifuɔŋ aran diɔŋ idem, nyuŋ sine edisine-ŋkpɔ fo, nyuŋ suhɔre ka ke ebiet-ubek: kuyak enye ɔdiɔŋɔ fi, tutu enye adia ŋkpɔ, onyuŋ ɔŋwɔŋ ama.

MICAH 6:15

Afo eyesuan, edi udukpeŋeke; eyenuak olive, edi uduyetke aran ke idem, eyenuak mmɔŋ mfri vine, ndien uduŋwɔŋke wine.

AMOS 6:6

eke eŋwɔŋde bowl wine, enyuŋ eyetde akpan aran ke idem: edi ikereke nditaha Joseph.

2 SAMUEL 12:20

Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

LUKE 7:47

Mmɔdo ndɔhɔ fi nte, Emefen enye ediwak idiɔk ŋkpɔ, koro ima esie okpon: edi owo eke efende enye esisit inyeneke akpan ima.