LUKE 6:14 - Edisana ñwed Abasi Ibom

¹⁴ Simon, emi Enye osiode enyiŋ. Peter, ye Andrew eyen-eka esie, ye James ye John,

LUKE 6:14 Referans Kwoze

UTOM MME APOSTLE 1:13

Ndien ke ini mmɔ edukde ufɔk, mmɔ edɔk eka ke ubet enyɔŋ ke ɔtɔ nduŋ mmɔ, kpa ɔtɔ nte Peter ye John ye James ye Andrew, ye Philip ye Thomas, ye Bartholomew ye Mathew, ye James eyen Alphaeus, ye Simon Zealot, ye Judas eyen James eduŋɔde do.

MATTHEW 4:21

Nte Enye ebede asaŋa ke iso, Enye okut nditɔ-eka iba efen, kpa James eyen Zebedee ye John eyen-eka esie, nte etiede ke ubom ye ete mmɔ Zebedee ediɔŋ iyire mmɔ; Enye onyuŋ okot mmɔ.

MATTHEW 4:18

Edi nte Enye asaŋade ke mben Inyaŋ Galilee, enye okut nditɔeka iba, kpa Simon emi ekerede Peter ye Andrew eyen-eka esie, nte eduɔŋɔde iyire ke inyaŋ; koro mmɔ edide mme ɔkɔ-iyak.

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

UTOM MME APOSTLE 12:2

Ndien enye owot James eyen-eka John ke ofut.

JOHN 14:8

Philip ete Enye, Ɔbɔŋ, wut nnyin Ete, ndien oro eyesuk nnyin esit.

JOHN 6:8

Owo kiet ke otu mbet Esie, kpa Andrew eyen-eka Simon Peter, ete Enye,

JOHN 6:5

Ke adaŋemi Jesus emenrede enyin okut nte ata ediwak owo etienede Enye, Enye obup Philip ete, Ididep uyo mmɔŋ, man memmɔ emi edia ŋkpɔ?

JOHN 1:45

Philip okut Nathanael, onyuŋ ɔdɔhɔ enye ete, Nnyin imokut Enye, emi Moses ekewetde abaŋa Enye ke ibet, mme prophet ekonyuŋ ewetde ebaŋa, kpa Jesus eyen Joseph, emi otode ke Nazareth.

LUKE 5:10

Onyuŋ edi ntre ɔnɔ James ye John ŋko, nditɔ Zebedee, mme nsaŋa Simon. Ndien Jesus ɔdɔhɔ Simon ete, Kufehe ndik; tɔŋɔ ke emi afo eyekɔ owo.

LUKE 5:8

Ke Simon Peter okutde emi, ɔduɔ Jesus ke edɔŋ, ofiori ete, Daha kpɔŋ mi, O Ɔbɔŋ, koro ami ndide idiɔk owo.

MARK 14:33

Ndien Enye ada Peter ye James ye John adian idem, idem onyuŋ ɔtɔŋɔ ndikpa Enye, Enye onyuŋ odu ke nnanenyin.

MARK 9:2

Ekem ke usen itiokiet ema ekebe, Jesus ada Peter, ye James, ye John, ɔdɔk ke akwa obot ke idem mmɔ ikpɔŋ:

MARK 5:37

Enye inyuŋ iyakke baba owo kiet asaŋa ye Enye, ke mibɔhɔke Peter, ye James, ye John eyen-eka James.

MARK 1:29

Ekem idaha oro, ke ini mmɔ ewɔrɔde ke synagogue, mmɔ esaŋa ye James ye John eduk ke ufɔk Simon ye Andrew.

MARK 1:19

Nte Enye ebede asaŋa ke iso esisit, Enye okut James eyen Zebedee ye John eyen-eka esie; mmɔ enyuŋ etie ke ubom ediɔŋ iyire mmɔ.

MATTHEW 10:3

Philip ye Bartholomew; Thomas ye Matthew emi edide publican; James eyen Alphaeus ye Thaddaues;

MATTHEW 10:2

Enyiŋ mme apostle duopeba edi emi: akpa owo edi Simon, emi ekerede Peter, ye Andrew eyen-eka esie; ye James eyen Zebedee ye John eyen-eka esie;

MARK 3:16

Enye odori Simon enyiŋ, ete, Peter;

LUKE 6:13

Ndien ke ini eyo esierede, Enye okot mbet Esie, onyuŋ emek owo duopeba osio ke otu mmɔ, onyuŋ okot mmɔ, ete, mme apostle;

LUKE 6:15

ye Philip ye Bartholomew, ye Matthew ye Thomas, ye James eyen Alphaeus, ye Simon emi ekerede Zealot,