LUKE 6:13 - Edisana ñwed Abasi Ibom

¹³ Ndien ke ini eyo esierede, Enye okot mbet Esie, onyuŋ emek owo duopeba osio ke otu mmɔ, onyuŋ okot mmɔ, ete, mme apostle;

LUKE 6:13 Referans Kwoze

ERIYARARE 21:14

Ibibene obio onyuŋ enyene itiat-idak-isɔŋ duopeba, enyuŋ ewet enyiŋ mme apostle Eyen-erɔŋ duopeba esin ke mme itiat oro.

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

MARK 6:30

Ekem mme apostle ebono etiene Jesus, esian Enye kpukpru ŋkpɔ, se ededi mmɔ ekanamde, ye se ededi mmɔ ekekpepde.

MARK 6:7

Ndien Enye okot mbet Esie duopeba edi, onyuŋ ɔtɔŋɔ ndisio mmɔ iba iba ndɔŋ mmɔ utom: onyuŋ ɔnɔ mmɔ odudu ndikan ndidehe spirit.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 12:1

EKEM akamba idiɔŋɔ owut idem ke enyɔŋ; ŋwan emi esinede utin ke idem, ɔfiɔŋ onyuŋ odude enye ke idak ikpat, anyanya ntantafiɔŋ duopeba onyuŋ odorode enye ke ibuot;

2 PETER 3:2

nte, mbufo eti ikɔ emi ndisana prophet ekebemde iso etiŋ, ye item Ɔbɔŋ ye Andinyaŋa nnyin emi otode mme apostle mbufo osim mbufo.

MME HEBREW 3:1

MMƆDO, ndisana nditɔ-ete, emi enyenede udeme ke ikot eke otode ke heaven, ese Apostle ye Akwa Oku emi nnyin inyimede ite idi ikɔt Esie, kpa Jesus;

ŊWED MBON EPHESUS 2:20

ema ebɔp mbufo edori kenyɔŋ ukot-ufɔk emi edide mme apostle ye mme prophet, Christ Jesus ke Idem Esie onyuŋ edi akan itiat inuk:

UTOM MME APOSTLE 1:13

Ndien ke ini mmɔ edukde ufɔk, mmɔ edɔk eka ke ubet enyɔŋ ke ɔtɔ nduŋ mmɔ, kpa ɔtɔ nte Peter ye John ye James ye Andrew, ye Philip ye Thomas, ye Bartholomew ye Mathew, ye James eyen Alphaeus, ye Simon Zealot, ye Judas eyen James eduŋɔde do.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

LUKE 11:49

Mmɔdo Eti Ibuot Abasi ama ɔdɔhɔ ete, Nyedɔŋ mme prophet ye mme apostle etiene mmɔ;

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 10:2

Enyiŋ mme apostle duopeba edi emi: akpa owo edi Simon, emi ekerede Peter, ye Andrew eyen-eka esie; ye James eyen Zebedee ye John eyen-eka esie;

LUKE 6:14

Simon, emi Enye osiode enyiŋ. Peter, ye Andrew eyen-eka esie, ye James ye John,

JOHN 4:33

Ntem ke mbet edɔhɔ kiet eken ete, Nte owo ekededi akada udia ɔsɔk Enye adia?