LUKE 5:34 - Edisana ñwed Abasi Ibom

³⁴ Edi Jesus ɔdɔhɔ mmɔ ete, Nte mbufo emekeme ndinam nditɔ ufɔk-ndɔ etre udia, ke ini ebe-ndɔ odude ye mmɔ?

LUKE 5:34 Referans Kwoze

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

MATTHEW 22:2

Obio Ubɔŋ Heaven ebiet edidem kiet, emi anamde udia-ndɔ ɔnɔ eyen esie;

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ISAIAH 62:5

Koro kpa nte akparawa ɔdɔde eyen-aŋwan, kpa ntre ke nditɔ-iren fo edidɔ fi: ndien kpa nte ɔdɔ-ŋwan adatde esit abaŋa ŋwan ndɔ, kpa ntre ke Abasi fo edidat esit abaŋa fi.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

IKWƆ SOLOMON 6:1

AMA fo amaka mmɔŋ, afo emi eyede akan kpukpru iban? Ama fo amakabare aka mmɔŋ, man nnyin itiene fi iyom enye?

IKWƆ SOLOMON 5:8

Mmowuk mbufo, O nditɔ-iban Jerusalem, mbufo ema ekut ama, mi mbufo edidɔhɔ enye didie? (Edɔhɔ ete) ke ami mmɔŋ ndɔŋɔ ima.

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

LUKE 5:33

Mmɔ enyuŋ edɔhɔ Enye ete, Mbet John ewak nditre udia, enyuŋ enam mkpe-ubɔk; ye mbet mme Pharisee ŋko; edi mbet Fo edia enyuŋ eŋwɔŋ ŋkpɔ.

LUKE 5:35

Edi mme usen eyedi eke edibɔde mmɔ ebe-ndɔ; mmɔ eyetre udia ke mme usen oro.