LUKE 5:19 - Edisana ñwed Abasi Ibom

¹⁹ Edi adaŋemi mmɔ mikwe usuŋ nte edade enye eduk ke ntak otu owo, mmɔ edɔk ɔkɔm ufɔk, ekibɔre ŋkanya, esuhɔre enye ke mbri esie enim ke ufɔt ke iso Jesus.

LUKE 5:19 Referans Kwoze

MARK 2:4

Edi sia mmɔ mikemeke ndida enye ŋkpere Jesus ke ntak otu owo, mmɔ ekibɔre ɔkɔm ufɔk ke ebiet eke Enye etiede: ndien ke mmɔ ema esiak ɔkɔm, mmɔ esuhɔre mbri emi ɔdɔŋɔ-akpa-ubeŋ anade ke esit.

MATTHEW 10:27

Se ndɔhɔde mbufo ke ekim, emen etiŋ ke uŋwana; se mbufo enyuŋ ekopde ke utɔŋ, ekwɔrɔ ke ɔkɔm ufɔk.

DEUTERONOMY 22:8

Ke adaŋemi afo edibɔpde obufa ufɔk, nam ɔkɔ ke ɔkɔm fo kanade kuk, mbak afo edida iyip odori ufɔk fo, ke owo ekededi editode ke esit ɔduɔ ke isɔŋ.

MATTHEW 24:17

yak owo eke odude ke enyɔŋ ufɔk okusuhɔre okosio ŋkpɔ eke edude ke ufɔk esie:

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

2 SAMUEL 11:2

Edikem ke ini mbubreyo kiet, David adaha ke bed esie, asaŋa ke enyɔŋ ufɔk edidem: ndien enye ada ke enyɔŋ ufɔk okut ŋwan kiet nte eyerede mmɔŋ: ŋwan oro onyuŋ eye idem eti-eti.

1 SAMUEL 9:25

Ndien adaŋemi mmɔ eketode ke edikoŋ ebiet esuhɔre ke obio, Samuel eneme nneme ye Saul ke enyɔŋ ufɔk.