LUKE 4:41 - Edisana ñwed Abasi Ibom

⁴¹ Demon enyuŋ ewɔŋɔ ediwak owo ke idem, efiori ete, Afo edi Eyen Abasi. Edi Enye asua ɔnɔ mmɔ iyakke mmɔ esioro uyo; koro mmɔ efiɔkde ete Enye edi Christ.

LUKE 4:41 Referans Kwoze

MARK 1:34

Ndien Enye anam ediwak owo emi edɔŋɔde nsio-nsio udɔŋɔ, ekop nsɔŋidem, onyuŋ ebin ediwak demon ɔduɔk; inyuŋ iyakke mme demon esioro uyo, koro mmɔ ediɔŋɔde Enye.

JAMES 2:19

Afo omonim ke akpanikɔ ete, Abasi kiet ke odudu? Ɔfɔn: mme demon ŋko enim ke akpanikɔ enyuŋ enyek.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

MARK 3:11

Ndien ini ekededi eke ndidehe spirit ekutde Enye, mmɔ eduɔ Enye ke iso, enyuŋ efiori ete, Afo edi Eyen Abasi.

MATTHEW 4:3

Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

MATTHEW 8:29

Ndien sese, mmɔ efiori ete, Nnyin isaŋa nso ye Afo, Afo Eyen Abasi? Nte emedi ndituhɔre nnyin ke ini mikemke kaŋa ini?

MARK 1:25

Edi Jesus asua ɔnɔ enye, ete, Kibi inua, nyuŋ wɔrɔ enye ke idem.

MATTHEW 8:4

Edi Jesus ete enye, Kpeme, kutiŋ unɔ baba owo kiet; edi nyɔŋ ke owut oku idem fo, nyuŋ wa enɔ eke Moses eketemede, man edi ŋkpɔ-ntiense ɔnɔ mme owo.

MATTHEW 8:16

Edi ke ini osimde mbubreyo, eda ediwak owo eke enyenede demon esɔk Enye: Enye onyuŋ ada ikɔ inua Esie ebin mme demon ɔduɔk, onyuŋ anam kpukpru mbon udɔŋɔ ekop nsɔŋ-idem:

MARK 1:32

Ekem ke mbubreyo, ke ini utin ama okosop, eda kpukpru mbon udɔŋɔ ye mmɔ emi enyenede demon esɔk Enye.

LUKE 4:39

Ndien Enye ada ekpere enye, asua ɔnɔ ufiop-idem; ndien ufiop-idem ɔkpɔŋ enye: enye onyuŋ adaha ke enyɔŋ ini kiet anam ŋkpɔ ɔnɔ mmɔ.