LUKE 4:40 - Edisana ñwed Abasi Ibom

⁴⁰ Ndien ke ini eyo oyomde ndikut, kpukpru owo eke enyenede mbon emi edɔŋɔde nsio-nsio udɔŋɔ, eda mmɔ esɔk Jesus; Enye onyuŋ odori mmɔ kpukpru ubɔk ndien anam udɔŋɔ okure mmɔ.

LUKE 4:40 Referans Kwoze

MARK 5:23

ɔduɔ Enye ke ukot, ɔsɔŋɔ ekpe Enye ubɔk, ete, Ekpri eyen mi aŋwan ekpere ndikpa: mmekpe fi ubɔk nte Afo edi edidori enye ubɔk, man enye okop nsɔŋidem, onyuŋ odu uwem.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 5:15

tutu mmɔ emen mbon udɔŋɔ ewɔŋɔ edinim ke mbri ye ke mkpana ke efak, man ekpedi mfut Peter ɔduɔ ndusuk mmɔ ke idem, ke adaŋemi enye asaŋade ebe.

MARK 3:10

koro Enye ama akanam udɔŋɔ okure ediwak owo, tutu kpukpru mmɔ emi enyenede udɔŋɔ ebere Enye man etuk Enye.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MARK 6:5

Ndien Enye ikemeke ndinam utom odudu do ibɔhɔke ndidori ndusuk mbon udɔŋɔ ubɔk nnyuŋ nnam mmɔ ekop nsɔŋidem