LUKE 3:7 - Edisana ñwed Abasi Ibom

⁷ Ntre ke enye ɔdɔhɔ mme otu owo emi ewɔŋɔde edi edina baptism ke ubɔk esie, ete, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

LUKE 3:7 Referans Kwoze

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

1 ŊWED THESSALONICA 1:10

inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

ISAIAH 59:5

Mmɔ ekubɔ nsen uruk-ikɔt, enyuŋ edɔk mkpaŋ utue: owo eke adiade nsen mmɔ eyekpa; se inuahade eyenyuŋ ɔwɔrɔ ibɔm.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

UTOM MME APOSTLE 13:10

O afo, emi kpukpru abiaŋa ye idiɔk-ŋkpɔ ɔyɔhɔde fi ke idem, afo eyen Satan, afo usua kpukpru nti ido, nte afo udutreke ndikwaŋa edinen usuŋ Ɔbɔŋ?

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

MATTHEW 3:6

ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.