LUKE 3:14 - Edisana ñwed Abasi Ibom

¹⁴ Mbonekɔŋ nde ebup enye ete, Nnyin inyene ndinam nso? Enye ete mmɔ, Ekutuk owo, ekunyuŋ edori owo ikɔ ke nsu, enyuŋ enemesit ye ŋkpɔ-eyen-utom mbufo.

LUKE 3:14 Referans Kwoze

EXODUS 20:16

Kutiŋ ubaŋa mbɔhiduŋ fo nte ntiense nsu.

ŊWED MBON PHILIPPI 4:11

Ntiŋke nte owo unana; koro mmekpep nditie ke oruk itie ekededi eke ntiede ye inem.

LEVITICUS 19:11

Mbufo ekuyip inɔ, ekunyuŋ ebiaŋa abiaŋa, kiet okunyuŋ osu nsu ɔnɔ kiet.

EXODUS 23:1

KUTIBI nsu-nsu ikɔ: kusin ubɔk fo ye idiɔk owo man edi ntiense nnama.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

ERIYARARE 12:10

Ndien ŋkop ɔkpɔsɔŋ uyo ke heaven nte ɔdɔhɔde ete, Ke emi, erinyaŋa ye erikara emedi, Ye Ubɔŋ Abasi nnyin ye odudu Christ Esie; Koro ema esio enye emi odoride nditɔ-ete nnyin ikɔ eduɔk ke isɔŋ. Emi odoride mmɔ ikɔ ke iso Abasi ke uwemeyo ye okoneyo.

TITUS 2:3

Kpep ŋkani iban ŋko ete, esaŋa ke ido uteŋe, ekudi mbon ebiari, ekunyuŋ eyak mmin akan mmɔ,

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

UTOM MME APOSTLE 10:7

Ekem ke adaŋemi angel emi ɔdɔhɔde enye ntem ama adaha, Cornelius okot nditɔ ufɔk esie iba, ye owo-ekɔŋ kiet emi eteŋede Abasi, ke otu mmɔ emi enamde ŋkpɔ enɔ enye kpukpru ini;

MATTHEW 8:5

Edi ke adaŋemi Enye odukde ke Capernaum, centurion kiet etiene Enye edikpe Enye ubɔk

LUKE 3:10

Mme otu owo ebup enye ete, Nnyin inyene ndinam nso?

LUKE 3:13

Enye ete mmɔ, Ekubɔ owo ŋkpɔ ekan se ekonimde enɔ mbufo ndibɔ.