LUKE 24:46 - Edisana ñwed Abasi Ibom

⁴⁶ Enye onyuŋ ɔdɔhɔ mmɔ ete, Ekewet ntem, ete Christ enyene ndikpa, ndinyuŋ ntɔŋɔ ntak nset ke mkpa ke ɔyɔhɔ usen ita:

LUKE 24:46 Referans Kwoze

ISAIAH 50:6

Ŋkayak edem mi nnɔ mmɔ eke eyibide, nyak mfuk mi nnɔ mmɔ eke ediberede idet: ndipke iso mi mfehe but ye etap.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 24:7

Eyeda Eyen owo esin mme idiɔk owo ke ubɔk, eyenyuŋ ewot Enye ke cross, ndien ke ɔyɔhɔ usen ita Enye eyetɔŋɔ ntak eset.

UTOM MME APOSTLE 17:3

onyuŋ asian owut mmɔ, ete Christ enyene ndikpa nnyuŋ nset ke mkpa; onyuŋ ɔdɔhɔ mmɔ ete, Jesus, emi ŋkwɔrɔde nnɔ mbufo, edi Christ.

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

MATTHEW 26:24

Eyen Owo ɔmɔŋ ɔnyɔŋ, kpa nte ekewetde ebaŋa Enye; edi eyedɔdiɔk ɔnɔ owo oro edidade Eyen Owo ɔnɔ.Ɔkpɔfɔn ye owo oro nte enye mikamanake.

JOHN 20:9

Koro mmɔ ifiɔkke kaŋa se ewetde ete, Enye enyene ndiset ke mkpa.