LUKE 24:44 - Edisana ñwed Abasi Ibom

⁴⁴ Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 24:44 Referans Kwoze

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

UTOM MME APOSTLE 13:33

Abasi ama anam uŋwɔŋɔ oro osu ɔnɔ nditɔ nnyin, ke emi Enye anamde Jesus eset; nte emi enyuŋ ewetde ke udiana psalm, ete, Afo edi Eyen mi; mmobon Fi mfin emi.

LUKE 9:22

onyuŋ ɔdɔhɔ mmɔ ete, Eyen Owo enyene ndikut ediwak ukut, mbiowo ye ikpɔ oku ye mme scribe eyenyuŋ esin Enye, enyuŋ ewot Enye; ndien Abasi eyenam Enye eset ke ɔyɔhɔ usen ita.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

MME HEBREW 10:1

SIA ibet enyenede ukpɔŋ-ukpɔŋ mbiet nti ŋkpɔ eke edidide, minyuŋ inyeneke idem ŋkpɔ oro, ikemeke ndinam mmɔ emi esaŋade edi ediwa oruk uwa kiet kpukpru ini ke isua ke isua efɔn ema.

JOHN 5:46

Koro edieke mbufo ekponimde Moses ke akpanikɔ, mbufo ekponim Mi ke akpanikɔ koro enye ekewetde abaŋa Mi.

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ŊWED MME PSALM 118:22

Itiat emi mme andibɔp esinde amakabare edi etubom inuk.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

ISAIAH 52:13

Sese, owo mi eyenam ɔniɔŋ ɔniɔŋ, eyeforo, eyedoro ke enyɔŋ, onyuŋ okoŋ eti-eti.

GENESIS 22:18

kpukpru mme idut ke ererimbot eyenyuŋ ekut mfɔn eke otode ke ubon fo, koro afo ama okokop uyo mi.

MME HEBREW 9:8

Edisana Spirit ada emi owut ete, iyarakere kaŋa usuŋ eke adade owo oduk ke Edisana Ebiet, adaŋa ini nte akpa ataya osuk odude.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

EZEKIEL 17:22

Ntem ke Ɔbɔŋ Jehovah ɔdɔhɔ ete, Ami nyenyuŋ nda nsom edikoŋ cedar, ntɔ enye ke isɔŋ; nyekibi ibuot nsehe ŋkɔk esie, ndien ami nyetɔ enye ke obot eke okoŋde onyuŋ emenerede ke enyɔŋ:

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

NUMBERS 35:25

ndien yak mbon esop enyaŋa owot-owo oro osio ke ubɔk osio-usiene iyip, mbon esop enyuŋ eyak enye afiak ke obio-ubɔhɔ esie, emi enye efehede aka do: ndien enye oduŋ do tutu akamba oku eke ekeyerede edisana aran, akpa.

NUMBERS 21:8

Ndien Moses anam mkpe-ubɔk ɔnɔ kpukpru owo. Ndien Jehovah ɔdɔhɔ Moses, ete, Nam idiɔk urukikɔt kiet, kɔŋ ke enyɔŋ anyan eto: ndien ama ekem, owo ekededi eke urukikɔt odomde enye, ama ese enye, eyedu uwem.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

JOHN 3:14

Ndien kpa nte Moses ekemende urukikɔt ke enyɔŋ ke desert, kpa ntre ke ana nte edimen Eyen Owo ke enyɔŋ:

LUKE 24:46

Enye onyuŋ ɔdɔhɔ mmɔ ete, Ekewet ntem, ete Christ enyene ndikpa, ndinyuŋ ntɔŋɔ ntak nset ke mkpa ke ɔyɔhɔ usen ita:

JEREMIAH 33:14

Jehovah ɔdɔhɔ, ete, Sese, mme usen ke edi eke ndimade eti ikɔ oro ŋkɔdɔhɔde ufɔk Israel ye ufɔk Judah.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

GENESIS 14:18

Ndien Melchizedek edidem Salem osio uyo ye wine edi: enye onyuŋ edi oku Abasi Ibom.

MME HEBREW 7:1

KORO Melchizedek emi-emi ekedide edidem Salem, ye oku Abasi Ibom, emi osobode ye Abraham ke ini enye otode ndiwot ndidem afiak edi onyuŋ ɔdiɔŋde enye:

MME HEBREW 3:5

Ndien ke akpanikɔ Moses akanam akpanikɔ ke ofuri ufɔk Abasi nte asaŋutom, man enye edi ntiense mme ŋkpɔ eke editiŋde ke ukperedem;

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

LUKE 22:37

Koro ndɔhɔ mbufo nte, Se ekewetde ete, Ebat Enye esin ke otu mme abiat-ibet, enyene ndiwɔrɔ nnɔ Mi: koro mme ŋkpɔ eke eketiŋde ebaŋa Mi enyene ndisu.

LUKE 21:22

Koro mme usen emi edidide ini usiene, man kpukpru se ekewetde osu.

LUKE 9:44

Eyak mme ikɔ emi etim eduk mbufo utɔŋ, koro emɔŋ ediyak Eyen owo esin owo ke ubɔk.

MATTHEW 26:56

Edi kpukpru emi ɔwɔrɔ, man se mme prophet ekewetde osu. Ndien mbet Esie kpukpru ekpɔŋ Enye efeŋe.

MATTHEW 26:54

Edi se ewetde, ete, Ŋkpɔ enyene ndiwɔrɔ ntem, edinam didie ndien osu?

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

UTOM MME APOSTLE 3:18

Edi ke usuŋ emi, Abasi anam se Enye ekebemde iso ada inua kpukpru mme prophet etiŋ osu, ete Christ Imɔ eyekut ukut.

MARK 9:31

Koro Enye ekpepde mbet Esie ŋkpɔ, ete mmɔ, Emayak Eyen Owo esin mme owo ke ubɔk, ndien mmɔ eyewot Enye; ndien ke ini ewotde Enye, usen ita ema ebe, Enye eyeset.

MATTHEW 1:22

Edi ofuri ŋkpɔ emi ɔkɔwɔrɔ, man osu nte Jehovah akadade inua prophet ɔdɔhɔ ete,

UTOM MME APOSTLE 2:27

Koro Afo udukpɔŋke ukpɔŋ mi ke obio ekpo, Udunyuŋ uyakke Edisana Owo Fo okut mbiara.

UTOM MME APOSTLE 13:40

Ekpeme ndien, mbak se ewetde ke mme prophet edisim mbufo, nte emi edɔhɔde ete,