LUKE 24:39 - Edisana ñwed Abasi Ibom

³⁹ Ese ubɔk ye ukot Mi, efiɔk ete edi Ami ke Idem Mi; efiɔŋɔ Mi, enyuŋ ese: koro spirit inyeneke obuk ye ɔkpɔ nte mbufo ekutde Ami nnyenede.

LUKE 24:39 Referans Kwoze

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

1 JOHN 1:1

SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

JOHN 20:20

Ndien ke Enye ama eketiŋ ntem, owut mmɔ ubɔk Esie ye ŋkaŋ Esie. Ntem ke mbet edat esit ke ini mmɔ ekutde Ɔbɔŋ.

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

JOHN 20:25

Ntre ke mbet eken esian enye ete, Nnyin imokut Ɔbɔŋ. Edi enye ɔdɔhɔ mmɔ ete, Ndinimke ke akpanikɔ ibɔhɔke ini ŋkutnde ɔkpɔ-ukwak ke ubɔk Esie, nnyuŋ nsin nnuenubɔk mi ke nde ɔkpɔ-ukwak, nnyuŋ nsin ubɔk mi ke ŋkaŋ Esie.

UTOM MME APOSTLE 1:3

Enye onyuŋ ada ediwak idiɔŋɔ owut mmɔ Idem Esie nte odu-uwem, ke mkpa Esie ama ekebe, owut mmɔ Idem usen aba, onyuŋ etiŋ ŋkpɔ abaŋa Obio Ubɔŋ Abasi.

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

LUKE 24:38

Edi Enye ete mmɔ, Nsinam esit etimerede mbufo, nsinyuŋ inam iyihe otibede mbufo ke esit?

LUKE 24:40

Ndien ke Enye ama eketiŋ ntem, Enye owut mmɔ ubɔk ye ukot Esie.