LUKE 24:19 - Edisana ñwed Abasi Ibom

¹⁹ Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

LUKE 24:19 Referans Kwoze

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

UTOM MME APOSTLE 7:22

Ndien ekpep Moses ofuri ifiɔk nditɔ Egypt; enye onyuŋ edi ɔkpɔsɔŋ owo ke ikɔ-inua ye ke ubɔk-utom.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 4:19

Ŋwan oro ete Enye, Ɔbɔŋ, mmokut nte Afo edi prophet.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

JOHN 7:52

Duŋɔre kokut ete, baba prophet kiet itoho ke Galilee iwɔrɔ.

MARK 1:24

enye onyuŋ ofiori ete, Isaŋa nso ye Afo, Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

DEUTERONOMY 18:15

Jehovah Abasi fo eyenam prophet eke edibietde mi, adaha ada ke otu fo ɔnɔ fi: enye ke mbufo edikop enɔ;

LUKE 24:18

Edi owo mmɔ kiet, emi ekerede Cleopas, ɔbɔrɔ Enye ete, Nte Afo kpɔt edi esen owo ke Jerusalem, ndien ufiɔkke se ikotibede do ke usen ifaŋ emi?