LUKE 23:4 - Edisana ñwed Abasi Ibom

⁴ Pilate ɔdɔhɔ ikpɔ oku ye mme otu owo, ete, Ŋkwe idiɔk ke idem owo emi.

LUKE 23:4 Referans Kwoze

JOHN 18:38

Pilate ete Enye, Nsidi akpanikɔ? Ndien ke enye ama eketiŋ ntem, enye ɔtɔŋɔ ntak ɔwɔrɔ etiene mme Jew, ɔkɔdɔhɔ mmɔ ete, Ami ŋkwe Enye idiɔk ke idem.

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

LUKE 23:22

Ndien enye ekpe ye mmɔ ɔyɔhɔ utim ikata, ete Ntak-e? Owo emi akanam nso idiɔk ŋkwe baba ŋkpɔ kiet emi odotde mkpa ke Enye: ntre nyemia Enye, nsana Enye nyak.

MARK 15:14

Edi Pilate ɔdɔhɔ mmɔ ete, Ntak-e? nso idiɔk ŋkpɔ ke Enye akanam?

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 25:25

Edi ŋkut nte enye inamke baba ŋkpɔ kiet eke odotde mkpa: sia enye ke idem esie onyuŋ otomode ubɔk Caesar, nduak ndinɔ enye esɔk Caesar.