LUKE 23:34 - Edisana ñwed Abasi Ibom

³⁴ Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

LUKE 23:34 Referans Kwoze

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

UTOM MME APOSTLE 7:60

Enye onyuŋ ɔtɔnɔ edɔŋ, ofiori ke ɔkpɔsɔŋ uyo ete, Ɔbɔŋ, kuda idiɔk-ŋkpɔ emi udori mmɔ. Ndien ke ama eketiŋ ntre, enye ede.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

ŊWED MBON ROME 12:14

Ediɔŋ mmɔ emi enamde mbufo isin-enyin; ediɔŋ, ekusuŋi mmɔ.

1 ŊWED CORINTH 2:8

Edi mme andikara eyo emi baba kiet ikenyeneke ifiɔk emi: koro edieke mmɔ ekpe-nyenede, mmɔ ikpowotke Edidem Ubɔŋ ke cross;

ŊWED MME PSALM 22:18

Mmɔ edeme edisine-ŋkpɔ mi ke idem mmɔ, enyuŋ esin afia ebaŋa ɔfɔŋ idem mi.

GENESIS 50:17

Ntem ke mbufo edidɔhɔ Joseph, ete, Mbɔk, kam dahado ke idiɔk-ŋkpɔ nditɔ-usɔ, ye ukwaŋ-ŋkpɔ mmɔ: koro mmɔ ekediɔkde ye afo: mbɔk, kam dahado ke idiɔk-ŋkpɔ ikɔt Abasi usɔ. Ndien Joseph atua eyet ke ini mmɔ edɔhɔde ye enye.

ISAIAH 53:12

Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

1ŊWED TIMOTHY 1:13

emi ke eyo oko ŋkosuŋide Enye, ŋkonyuŋ ŋkɔbɔde Enye, nnyuŋ nnam Enye esuene: edi Abasi akatua mi mbɔm, koro ŋkanamde emi ke unana ifiɔk, ke ini mmenimke ke akpanikɔ:

UTOM MME APOSTLE 3:17

Ndien nditɔ-ete, mmɔfiɔk nte mbufo ekenam emi ke unana ifiɔk, nte mme andikara mbufo enyuŋ enamde.

1 ŊWED CORINTH 4:12

Ke ini owo esuŋide nnyin, nnyin idiɔŋ mmɔ; ke ini ekɔbɔde nnyin, nnyin ime ime;

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

MARK 15:24

Ndien mmɔ ekɔŋ Enye ke cross, enyuŋ edeme edisine-ŋkpɔ Esie, esin afia ebaŋa mmɔ, ndifiɔk se mmɔ kiet kiet ekpadade.

MATTHEW 11:26

Edi ntre, Ete, koro enemde Fi ntem ke enyin.

LUKE 22:42

Ete, edieke Afo onyimede, men Mi cup emi fep: edi okudi nte Ami nnyimede, yak edi nte Afo oyimede.

JOHN 17:9

Mmebeŋe Fi mbaŋa mmɔ, mbeŋeke mbaŋa ererimbot, edi mbeŋe mbaŋa mmɔ oro ɔkɔnɔde Mi: koro mmɔ edi Okuo:

UTOM MME APOSTLE 16:28

Edi Paul ofiori ke ɔkpɔsɔŋ uyo ete, Kunam idem fo idiɔk: koro nnyin kpukpru mi.