LUKE 23:10 - Edisana ñwed Abasi Ibom

¹⁰ Ndien ikpɔ oku ye mme scribe eda do, edori Enye ikɔ adaŋa nte mmɔ ekekeme.

LUKE 23:10 Referans Kwoze

UTOM MME APOSTLE 24:5

Koro nnyin imokut ite owo emi edi owo afanikɔŋ; enye edemere nsɔŋ-ibuot ke otu kpukpru mme Jew emi edude ke ofuri ererimbot, onyuŋ edi ebe-iso owo ke otu ŋka emi etienede Jesus eyen Nazareth.

LUKE 23:5

Edi mmɔ edɔdiɔŋ esɔŋɔ eyire ete, Enye obubere mbio-obio, ekpep mmɔ ŋkpɔ ke ofuri Judaea, ɔtɔŋɔ ke Galilee osim ebiet emi.

LUKE 23:2

Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

LUKE 11:53

Ndien ke ini Enye otode do ɔwɔrɔ mme scribe ye mme Pharisee etɔŋɔ ndiyire Enye, ndinyuŋ mfaha Enye ke mbume mbaŋa ediwak ŋkpɔ;

MATTHEW 27:12

Ndien ke ini ikpɔ oku ye mbiowo edoride Enye ikɔ, Enye ibɔrɔke baba ikɔ kiet.

LUKE 23:9

Enye obup Jesus ediwak mbume; edi Jesus ibɔrɔke baba ikɔ kiet.

LUKE 23:11

Herod ye mbon-ekɔŋ esie enyuŋ esak Enye nsahi, enyuŋ ebiaŋa Enye; ndien esine Enye ɔfɔŋidem edidem, ɔnɔ Enye efiak esɔk Pilate.