29 kpa nte Ete Mi okonimde Obio Ubɔŋ ɔnɔ Mi,
Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;
Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.
Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?
Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.
Ke akpanikɔ ke ndɔhɔ mbufo nte, ete-ufɔk esie eyenam enye edi andikara kpukpru se enye enyenede.
Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.
Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.
Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.
Owo ekededi eke onyuŋ aŋwanade mbɔk akama idem ke ufat ke kpukpru usuŋ. Ndien mmɔ enam emi ndibɔ anyanya eke edibiarade; edi nnyin inam man ibɔ anyanya eke midibiarake.
imonyuŋ inyene ɔkpɔsɔŋ idori-enyin ibaŋa mbufo; koro nnyin ifiɔk ite, kpa nte mbufo ebuanade ke ndutuhɔ, ntre mbufo etiene ebuana ke ndɔŋesit.
Ibibene obio onyuŋ enyene itiat-idak-isɔŋ duopeba, enyuŋ ewet enyiŋ mme apostle Eyen-erɔŋ duopeba esin ke mme itiat oro.
Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.
Ɔfɔfɔn ɔnɔ mmɔ eke owo ekɔbɔde mmɔ kabaŋa edinen ido: koro Obio Ubɔŋ Heaven enyene mmɔ.
Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.
