LUKE 22:20 - Edisana ñwed Abasi Ibom

²⁰ Enye anam kpa ntre ye cup, ke ini mmɔ ediade ema, ete, Cup emi edi Obufa Ediomi ke iyip Mi, emi eduɔkde kabaŋa mbufo.

LUKE 22:20 Referans Kwoze

1 ŊWED CORINTH 11:25

Kpa ntre ŋko ke Enye emen cup, ke ema ekedia ŋkpɔ ema, ete, Cup emi edi obufa ediomi ke iyip Mi; enam emi, adaŋa ini nte eŋwɔŋwɔŋ, ke eriti Mi.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

ZECHARIAH 9:11

Ndien ama edi afo ŋko, iyip ediomi fo eyesin nsio mbon ŋkpɔkɔbi fo mfep ke obube eke mmɔŋ miduhe.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

EXODUS 24:8

Ndien Moses ada iyip oro esime kpukpru owo ke idem, ete, Se iyip ediomi, emi Jehovah odiomide ye mbufo, nte kpukpru ikɔ emi edide.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

JEREMIAH 31:31

Jehovah ɔdɔhɔ, ete, Sese, mme usen ke edi eke ndinamde obufa ediomi ye ufɔk Israel, ye ufɔk Judah;

MME HEBREW 9:17

Koro ŋwed adiaakpa ɔsɔŋɔde ke adaŋemi owo ama akpa: akanam nte ŋwed oro enyene odudu, ke adaŋemi andinam enye odude uwem?

2 ŊWED CORINTH 3:6

ukeme nnyin oto Abasi; emi okonyuŋ anamde nnyin ikem ndidi mme asaŋa-utom obufa ediomi; emi midige ediomi eke ewetde wet, edi edi ediomi eke ebɔpde ke spirit; koro se ewetde owotde wot, edi spirit ɔnɔnɔ uwem.

MME HEBREW 9:15

Ke ntak emi Enye onyuŋ edi esine-ufɔt obufa ediomi, man, sia kiet ama akakpa ndifak owo nsio ke mme ndudue eke mmɔ ekesinede ke idak akpa ediomi edue, mmɔ emi ekekotde ekpɔbɔ uŋwɔŋɔ nsinsi udeme.

MARK 14:24

Ndien Enye ɔdɔhɔ mmɔ ete, Emi edi iyip Mi, eke ediomi, emi eduɔkde kabaŋa ediwak owo.