LUKE 22:18 - Edisana ñwed Abasi Ibom

¹⁸ koro mmɔdɔhɔ mbufo nte, Ɔtɔŋɔde ke emi ndiwɔŋke aba mfri vine tutu Ubɔŋ Abasi edi.

LUKE 22:18 Referans Kwoze

MATTHEW 26:29

Edi ndɔhɔ mbufo nte, Ndiŋwɔŋke aba mfri vine emi, tutu osim usen oro ndiŋwɔŋde enye obufa ye mbufo ke Obio Ubɔŋ Ete Mi.

LUKE 22:16

koro mmɔdɔhɔ mbufo nte, Ndidiaha enye aba, tutu enye ɔwɔrɔ osu ke Obio Ubɔŋ Abasi.

MARK 14:25

Ke akpanikɔ ke ndɔhɔ mbufo, ndiŋwɔŋke aba mfri vine, tutu osim usen oro ndiŋwɔŋde enye obufa ke Obio Ubɔŋ Abasi.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

LUKE 21:31

Kpasuk ntre mbufo ŋko, ke ini mbufo ekutde nte mme ŋkpɔ emi etibede, efiɔk ete Ubɔŋ Abasi ke ekpere.

LUKE 9:27

Edi ntiŋ akpanikɔ nnɔ mbufo, ndusuk owo edu ke otu mmɔ emi edade mi emi miditabike mkpa, tutu mmɔ ekut Ubɔŋ Abasi.

MARK 15:23

Mmɔ enyuŋ enɔ Enye wine emi esinde myrrh ke esit: edi Enye ibɔhɔ

MARK 14:23

Enye onyuŋ emen cup, ndien ke Enye ama ɔkɔnɔ ekɔm, ayak ɔnɔ mmɔ kpukpru mmɔ enyuŋ eŋwɔŋ.

MARK 9:1

NDIEN Enye ete mmɔ, Ke akpanikɔ ke ndɔhɔ mbufo Ndusuk owo edu ke otu mmɔ emi edade mi, emi miditabike mkpa tutu mmɔ ekut Ubɔŋ Abasi nte edide ke odudu.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

ZECHARIAH 9:15

Jehovah mme udim eyekpeme mmɔ; ndien mmɔ eyedia, enyuŋ edigi itiat-utop; eyenyuŋ eŋwɔŋ, enyuŋ eyomo uyom nte ke wine; ndien iyip eyeyɔhɔ mmɔ nte ke bowl, ye nte inuk itie-uwa.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

JUDGES 9:13

Edi vine ɔdɔhɔ mmɔ, ete, Nte ɔfɔn mi ndikpɔŋ wine mi, emi adatde Abasi ye owo esit, ndien ŋka ŋkenyeŋe ke enyɔŋ mme eto?