LUKE 21:19 - Edisana ñwed Abasi Ibom

¹⁹ Edida erime ime ke ukut ebɔ ukpɔŋ mbufo eda enyene.

LUKE 21:19 Referans Kwoze

MME HEBREW 10:36

Koro ana nte mbufo enyene ime man ebɔ se Abasi ɔkɔŋwɔŋɔde, ke ema ekenam se Enye amade.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

JAMES 1:3

ke efiɔkde ete mbuɔtidem mbufo emi ema edomo ewut anam ime ɔwɔrɔ.

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.

ŊWED MBON ROME 5:3

Akan oro, edi nnyin imobure mbure ke ukut nnyin ŋko, sia ifiɔkde ite ukut ɔwɔrɔ ime;

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

MME HEBREW 6:11

Edi ɔdɔŋ nnyin nte kpukpru mbufo ewut kpa oruk ifik oro, man enyene ɔyɔhɔ idorenyin tutu osim utit:

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

MATTHEW 24:13

Edi eyenyaŋa owo eke edimede ime tutu osim akpatre.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

MME HEBREW 6:15

Ntre ke Abraham ɔkɔbɔ mme uŋwɔŋɔ Abasi ke enye ama ekeme anyan ime.

2 ŊWED THESSALONICA 3:5

Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.

ŊWED MBON ROME 8:25

Edi edieke nnyin idoride enyin ibaŋa se nnyin mikwe, adaŋoro nnyin itie ke ime ibet ŋkpɔ oro.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

ŊWED MME PSALM 40:1

ŊKETIE mbet Jehovah; ndien enye ɔnuhɔ ese mi, onyuŋ okop eseme mi.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

ŊWED MBON ROME 5:4

ime, onyuŋ ɔwɔrɔ eti edu, eti edu onyuŋ ɔwɔrɔ idori enyin:

JAMES 1:4

Edi yak ime anam utom esie ama, man mbufo efɔn ema enyuŋ esɔŋ ke ukpɔŋ, ekunana baba ŋkpɔ kiet.

2 PETER 1:6

ye ime ke erifara ke idem,