LUKE 2:41 - Edisana ñwed Abasi Ibom

⁴¹ Ndien ete ye eka Esie ekam ekaka Jerusalem kpukpru isua ke ini usɔrɔ passover.

LUKE 2:41 Referans Kwoze

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

JOHN 2:13

Passover mme Jew ekpere, ndien Jesus ɔdɔk aka Jerusalem.

1 SAMUEL 1:21

Ndien owo oro Elkanah ɔdɔk ye ofuri ufɔk esie, ndiwa uwa isua ye akaŋa esie nnɔ Jehovah.

1 SAMUEL 1:3

Ndien owo emi oto ke obio mmɔ kpukpru isua ɔdɔk ndituak ibuot, nnyuŋ ŋwa uwa nnɔ Jehovah mme udim ke Shiloh. Ndien nditɔ-iren Eli mbiba, Hophni ye Phinehas, mme oku Jehovah edu do.

DEUTERONOMY 16:16

Yak kpukpru iren-owo fo ewut Jehovah idem mmɔ utim ikata ke isua ke ebiet emi enye edimekde; ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya: ndien yak owo okudi ke iso Jehovah ubɔk-ubɔk:

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

NUMBERS 28:16

Ndien ŋko mbufo enim passover enɔ Jehovah, ke ɔyɔhɔ usen akpa ɔfiɔŋ duopenaŋ.

LEVITICUS 23:5

Ke akpa ɔfiɔŋ, ke ɔyɔhɔ usen duopenaŋ ke mbubreyo, (ekwɔrɔ) passover Jehovah.

EXODUS 34:23

Yak kpukpru irenowo fo edi ke iso Ɔbɔŋ Jehovah Abasi Israel, utim ikata ke isua.

EXODUS 12:14

Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 11:55

Edi Passover mme Jew ke ekpere; ediwak owo enyuŋ ebem Passover iso eto iŋwaŋ edɔk eka ke Jerusalem ndinam idem mmɔ esana. Ndien mmɔ eyoyom Jesus,

JOHN 6:4

Ekpere Passover, usɔrɔ mme Jew.

EXODUS 12:11

Ndien ntem ke mbufo edita enye; ebɔbɔ mbɔbɔ mbufo ke isin, esine ikpa-ukot mbufo ke ukot, ye esaŋ ke ubɔk mbufo: ndien mbufo eta enye ke nnyekidem; enye edi passover Jehovah.

LUKE 2:42

Ekem ke ini Jesus osimde isua duopeba, mmɔ edɔk eka, nte ido usɔrɔ edide.